Bula Rawati-Koya Vakayago ka Vakayalo

“Sa tu vei ira na kaukauwa, me ra vakayacora ga na ka era gadreva” (Vunau kei na Veiyalayalati 58:28).

Na idusidusi eso ena iwase oqo ena vukei ira na goneyalewa mera kila deivaki na bibi ni nodra rawata na bula rawati-ira vakayalo ka vakayago. E dina ni ra se tabagone, era kalougata na goneyalewa ni nodra na isolisoli ni galala ni digidigi, ka ra sa vulica tiko ena kosipeli i Jisu Karisito na iwalewale ni kena tuvai na nodra lakolako ka vakaraica na isaunitaro ki na nodra leqa. Na levu ga ni nodra yaco mera bula rawati-ira, na levu ni galala era na marautaka. Era na vakavakarau vinaka cake kina mera qarava na Turaga, vaqaqacotaka na nodra matavuvale, ka vakayacora vakavinaka na nodra itavi mai muri vakamarama vakawati ka vaka-tina.

iTuvatuva mo Digidigi mai kina ena Vula Oqo

Muavata

Vakasamataka na sala e rawa tuvai kina na itaviqaravi eso ka veisemati ki na veika era vulica na itabagone. Na mataveilawa ni iTaviqaravi ni iTabagone ni Lotu e sa tu me vukei iko. E vuqa na itaviqaravi ni vuli ena ituvatuva oqo e rawa talega ni itaviqaravi vinaka ni Muavata. Cakacaka vata kei ira na mataveiliutaki ni kalasi me digitaki ka tuvai na itaviqaravi e veiganiti ka vaqaqacotaka na veika era vulica na goneyalewa ena Sigatabu.

Torocake Yadudua

Na itaviqaravi eso oqo mai na Torocake Yadudua e sema ki na lesoni ni tabana oqo:

Cakacaka ena yavunilewa ni Bula va-Kalou 1 kei na 4
Cakacaka ena yavunilewa ni Bula va-Kalou ni Kequ Yaga 4, cakacaka ena yavunilewa 3 kei na 5
Cakacaka ena yavunilewa ni Bula va-Kalou Kila Ka
Cakacaka ena yavunilewa ni Bula va-Kalou ni Digidigi kei na Vakatulewa Vakataki Au 1 kei na 7, cakacaka ena yavunilewa 5
Cakacaka ena yavunilewa ni Bula va-Kalou ni Caka Vinaka 6

Me iSakisaki ni iTabagone

Na ivakatagedegede eso oqo mai na iSakisaki ni iTabagone e veisemati tiko ki na lesoni ena tabana oqo: