4:2

Kōjjeļļā

Elder Paul V. Johnson

Jān Jiljilimjuonn̄oul eo

Nokon in jota eo an CES n̄an Rūm̧m̧an Ded ro • Nobōmba 2, 2014 • Ogden Tabernacle, Ogden, Utah

Ro jeiū im jatū, kōj kajjojo rej ļaddik ak leddik nejin Jemedwōj Ilan̄ eo eakwe eo ej kūr im im̧we ritōl ro n̄an letok n̄an kōj jipan̄ im tōl. Ej juon kōjeram̧m̧an n̄an koba ippān doon ilo ad katak jān ro emōj kōmālim er n̄an katakin kōj. Kom̧ em̧ool kōn ami pād jotenin. Ilo ad jinoe, ikōņaan lewaj n̄an kom̧ ruo kōjjeļļā ko rekadu ak aorōk.

Kōjjeļļā eo ad kein kajuon ej bwe jino ilo Jānwōde 2015, Nokon in jota ko an CES āinwōt in renaaj ņaetaer Nokon in Jota ko Ipeļaakin Laļ in n̄an Rūm̧m̧an Ded ro. Nokon in jota kein renaaj waļo̧k jilu kōttan kajjojo iiō—ilo Jānwōde, Māe, Jeptōm̧ba. Oktak kein rej n̄an kwaļo̧k aorōk eo an kajjojo kadiwōjļo̧k ko imejatoto im n̄an lale bwe kajjojo rūm̧m̧an ded, jekdo̧o̧n ia kom̧ij pād ie im jekdo̧o̧n kain jekjek rot kom̧ij pād ie, ej karuwaineneik kom̧ n̄an bōk kuņami. Kōmij kōjatdikdik bwe kom̧ naaj bōk aolep kijejeto n̄an pād ilo kajjojo nokon in jota im rōjan̄ ro jet n̄an kobawaj ippāmi bwe kom̧ im er en maron̄ wōr ami iien n̄an bwebwenato ippān doon, ron̄jake kapilōk jān ritōl ro ad, im bōk revelesōn eo ami make im tōl. Kōmij rōjan̄ ritōl ro an priesthood n̄an kōm̧m̧an bwe nokon in jota kein ipeļaakin laļ in rej m̧akūtkūt ko raorōk ilo jikin ko kom̧ij jokwe ie.

Kōjjeļļā eo juon ikkijien kūlaaj ko an Kabun̄ ilo iunibōjiti ko an Kabun̄ in im Institute ko an Kabun̄ in. Boot eo an Jikin Jeļāļo̧kjeņ an Kabun̄ in im Boot ko an Trustees n̄an BYU, BYU–Hawaii, im LDS Business College rekar kōmālim emān kooj ko rekāāl ko renaaj liļo̧k jino ilo fall in 2015. Kooj kein rej “Jesus Christ and the Everlasting Gospel,” “The Teachings and Doctrine of the Book of Mormon,” “Foundations of the Restoration,” im “The Eternal Family.”

Kooj kein rekāāl rej jibadbad eo aer ej n̄an erom dōkā in jabōn em̧ eo ami ilo jikuuļ an kabun̄. Rej pedped wōt ioon jeje ko rekwojarjar im katakin ko an rikanaan ro ilo raan-ko āliktata, kōn juon pedped ilo Rilo̧mo̧o̧r eo, katak eo An, im m̧akūtkūt ko rekabwilōn̄lōn̄ ilo bwebwenato in Kabun̄ in. Ilo ami ekkatak ilo aolepān peļaakin laļ in kōn bok kein rekwojarjar, jeje ko rekwojarjar renaaj ekkejel ippān doon, jipan̄ kom̧ n̄an ejaake wāween ko reļļapļo̧k im ļapļo̧k in meļeļe im kam̧oolol kōn kajjojo bok jān bok ko rekwojarjar. Kūlaaj kein renaaj ejaake en̄jake ko ami kōn kabun̄ eo ami m̧okta im en̄jake ko ami make ilo ekkatak gospel eo. Renaaj jipan̄ kom̧ ilo mour kōn pedped in katak ko an gospel eo ilo wāween ko rejejjet n̄an jekjek ko ami kiiō.

Inaaj barāinwōt je bwe aolep kooj kein kiiō jān jeje ko rekwojarjar im kūlaaj ko jet an kabun̄ in renaaj wōnm̧aanļo̧k im kōm̧m̧an ilo iunibōjiti ko im Institute ko an Kabun̄ in. Kooj kein rekāāl renaaj n̄an aolep rijikuuļ ro rekāāl im renaaj pād n̄an rijikuuļ ro rej kamōjļo̧k aer jikuuļ. Jouj bōk kūlaaj kein im jerbali m̧aanļo̧k m̧ae kom̧ij kadiwōjļo̧k jān juon iunibōjiti an Kabun̄ in ak Institute an Kabun̄ in. Eļan̄n̄e emōj ami kar kadedeļo̧k kūlaaj ko remenin aikuj n̄an kadiwōjļo̧k, ļōmņak in bōk kūlaaj kein ilo ami wōnm̧aanļo̧k im ekkatak gospel eo jān ami bōk koņaami ilo institute im iunibōjiti kūlaaj ko an Kabun̄ in. Ilo raan ko rej pedo tok kom̧ naaj maron̄ in ekkatak eļapļo̧k kōn kūlaaj ko rekāāl jān ami deļo̧n̄e education.lds.org.

Ewōr aō lōke bwe ilo ami bōk kuņaami ilo nokon in jota kein ipeļaakin laļ in im kūlaaj ko an kabun̄, kom̧ naaj meļeļe ļo̧k kōn jeje ko rekwojarjar, kom̧ naaj bwebwenato ippān ro jet ro renaaj kotak im im̧we kom̧, im kom̧ naaj kōkajoorļo̧k tōmak eo ami im naan in kam̧ool eo ilo Jisōs Kraist. Men in en āindein n̄an kom̧ kajjojo, ilo etan Jisōs Kraist, amen.