45:59

Lo̧mo̧o̧ren Mour Eo AM̧

Elder D. Todd Christofferson

Jān Doulul eo an Jon̄oulruo Rijilōk ro

Nokon in Jota eo an CES n̄an Rūm̧m̧an Ded ro • Jeptōm̧ba 14, 2014 • Brigham Young University

Ke Jisōs im Rijilōk ro An raar ippān doon ilo Caesarea Philippi, Eaar kajjitōk ippāer kajjitōk in, “Wōn N̄a ilo ami ba?”¹Piter, kōn an em̧m̧awiwi im kajoor, e uwaak, “Kwe Ri Kraist, Nejin Anij e mour.”²Ekam̧ōņōņōik eō n̄e ij riiti naan kein; ekam̧ōņōņōik eō n̄e ij kwaļo̧ki. Ejjab etto ālkin iien in, kōn menin, Jisōs eaar kōnono n̄an Rijilōk ro kōn naaj mej im jerkakpeje eo An, im Piter eaar kaarmejete E. Piter in juon eo ej kōraat bwe eaar jab meļeļe ak jab “m̧ōņōņō” kōn men ko an Anij “a kōn men ko an armej raņ.”³Innām Jisōs ej kwaļo̧k tokālik juon iakwe n̄an e eo [E ar] kaarmejet,⁴jouj, kōmeļeļeiki Piter im Em̧m̧aan ro kōn bōk an juon dōbwāāl im luuji an juon mour āinwōt wāween eo n̄an loe juon mour em̧m̧anļo̧k im mour indeeo, E make wōt ej waanjon̄ak ewāppen. Jen reilo̧k n̄an kōm̧m̧an ko an m̧akūtkūt in ilo juon iaan pija ko ilo Baibōļ kar kōm̧m̧ani jān Kabun̄ in:

Jesus: Nejin Armej eaar aikuj en̄taan kōn elōn̄ men ko im kar jab ron̄jake jān elōn̄ elder ro im ritōl pris ro im scraib ro im kar m̧ane im ālkin jilu raan ko Eaar bar jerkak.

Peter: En ettoļo̧k jān Kwe, Irooj: Men in e jāmin pād Ippam̧

Jisōs: Kwōn ilo̧k ilikiō, Setan: Kwōj itōn ļatipn̄ōl Eō: bwe kwō jab ļōmņak kōn men ko an Anij, a kōn men ko an armej raņ. Bwe jabdewōt eo e kōņaan lo̧mo̧o̧ren mour eo an, mour enaaj jako jān e; im jabdewōt eo mour enaaj jako jān e kōn N̄a, enaaj lo e. Bwe ekōjkan kakajooror armej eļan̄n̄e ej jibadek aolepen laļ im an ej jako? ak ta juon armej emaron̄ leļo̧k ilo ukōt bōkwā n̄an jetōb eo an? Bwe Nejin armej enaaj itok ilo wōj in Jemān ippān enjeļ ro An, innām Enaaj leļo̧k jinōkjeej n̄an armej raņ im āinwōt aer kōm̧anm̧an.⁵

Ikōņaan kōnono n̄an kom̧ kōn naan in kōmlet in an Irooj āinwōt eļap kaarmejete “Eo ej lo an mour, en̄in enaaj jako jān e, im eo ej joļo̧k an mour kōn N̄a, enaaj lo e.”⁶Ej katakin juon katak ekajoor im aorōk, eo jej aikuj in meļeļe kake im mour kake.

Juon rimāletlet eaar letok meļeļe in: “Āinwōt an lan̄ ko utiej jān laļ, jerbal eo an Anij ilo mour eo ami ej kilep jān bwebwenato eo am̧ kokōņaan kwaļo̧k. Mour eo An ej kilepļo̧k jān karōk ko am, kōttōpar ko, ak mijak ko. N̄an lo̧mo̧o̧ren mour eo am, kwonaaj aikuj likūt bwebwenato ko ami im, minit n̄an minit, raan n̄an raan, kōro̧o̧lļo̧k mour eo am n̄an E.”⁷

Eļak ļapļo̧k aō ļōmņak kake, eļapļo̧k aō bwilōn̄ kōn wāween an jejjet an Jisōs leļo̧k mour eo An n̄an Jemān, elmen an wāppen An kar luuji mour eo An ilo ankilaan Jemān—ilo mour im ilo mej. En̄in ej jejjet in m̧wil im kōbbeļaak eo eoktak an Satan, eo emōj jino idajon̄jon̄e ilo laļ in ippān armej ro rej kea kōn er wōt. Ilo ko̧o̧njeļ ko m̧okta, n̄an kanne eddo eo an Rilo̧mo̧o̧r eo ilo karōk in ekwojarjar an Jemān, Jisōs eaar ba n̄an Jemān, Ankilaam̧ enaaj dedeļo̧k, im aiboojoj eo enaaj Am̧n̄an indeeo.⁸Lucifer, ej pād iturājet in Pein, eaar ba, lo, n̄a e, jilkinļo̧k n̄a, Inaajerom Nejūm̧, im Inaajlo̧mo̧o̧ren aolep armej, bwe juon jetōb en jamin jako, im em̧ool Inaaj kōm̧m̧ane; kōn menin letok n̄an eōaiboojoj in Am̧.⁹

Kien eo an Jisōs n̄an ļoor E ej juon kien n̄an eļļo̧k bar juon alen jān kōl eo an Satan im n̄an luuji mour eo ad ilo kile mour eo em̧ool, mour eo em̧ool, aiboojoj in al eletok mour eo Anij ej kōtmāne n̄an kōj kajjojo. Kain mour in enaaj kōjeram̧m̧an aolep jej un̄ūr er im naaj kōm̧m̧an rikwojarjar ro kōn kōj. Ippān kōtmāne eo kiiō, ettōņak eo ejabwe, ej juon mour ej ilōn̄ in meļeļe. Em̧ool. “men ko mej ear jab loi, im lo̧jiln̄in ear jab ron̄jake, im re jan̄in deļo̧n̄ ilo būruon armej, men ko jabdewōt Anij e ar kōppojak n̄an ro rej yokwe E.”¹⁰

Ikōņaan bwe en kar ļapļo̧k ad kōnono kōn Jisōs im rikaļoor ro An. Enaaj kar jipan̄ n̄e lōn̄ bar jet meļeļe kōn ta meļeļein, ilo kajjieon̄, n̄an luuji an juon mour kōn E im maron̄ loe. Ak ke ij kejōkļo̧kjeņ kake, ij kile bwe ennaan ko an Rilo̧mo̧o̧r eo rekar waļo̧k m̧okta im ālkin naan in kōmlet eo An ej letok tōl eaorōk. Jen ļōmņak kōn jilu iaan ennaan kein rej ekkejel.

En Make Kaarmejete, im Kotak An Debwāāl Raan Otemjej

Juon rej naan in kōnono ko an Irooj m̧okta jān An kar ba, “Jabdewōt eo e kōņaan lo̧mo̧o̧ren mour eo an, enaaj jako.”¹¹Āinwōt kar jeje ilo kajjojo iaan gospel bok ko, Jisōs eaar ba, “Eļan̄n̄e jabdewōt armej e kōņaan ļoor Eō, en make kaarmejjete, im bōk debwāāl eo an, im ļoor Eō.”¹²Luk ej kobaik naan eo raan otemjej—“en make … kotak an debwāāl raan otemjej.”¹³ Ilo Matu, Joseph Smith Translation ej kōļapļo̧k ennaan in ippān meļeļe eo an Irooj kōn ta meļeļein kotak an juon debwāāl: “Im kiiō n̄an juon em̧m̧aan n̄an kotak an debwāāl, ej aikuj kaarmejete e make jān aolep jab wānōk, im aolep m̧ōm an laļ in, im kōjparok kien ko Aō.”¹⁴

Ej rie naan in kōmlet eo an Jemes: “Men in kabun̄ erreo im jab ettoon im̧aan mejān ad Anij im Jemed, en̄in, bwe armej en loļo̧k ro atajinemjen im kōrā e jako pālein ilo aer jorrāān, im bwe en dāpij e im jab libbijinjin kōn laļ in.”¹⁵ Ej juon mour raan otemjej ilo eļļo̧k jān aolep men rej ettoon ejja iien eo wōt jej dim̧ kōjparok ruo kien ko reļļap—iakwe Anij im riturir—eo kien otemjej rej ekkejel.¹⁶Men̄e, juon mōņakjen ilo luuji mour ko ad ilo kile mour eo em̧m̧anļo̧k Irooj ej kōtmāne n̄an kōj ekitbuuj ilo ad kotak debwāāl eo an raan n̄an raan.

Ro Otemjej Rej Kwaļo̧k Eō, Inaaj Kwaļo̧k im̧aan Jema

Kein karuo ennaan eo ļōm̧ake ej loe an mour eo ad jako kōn E im gospel eo ekitbuuj juon m̧ōņōņō n̄an kwaļo̧k im kōjade ilo̧bwilej ad rikaļoor: “Bwe jabdewōt eo enaaj jook kake Eō im naan ko Aō ilo epepen in ej lōn̄ im jero̧wiwi, Nejin Armej enaaj jook kake e, iien eo Ej itok ilo aiboojoj an Jemān ippān enjeļ re kwōjarjar.”¹⁷

Jikin ko jet ilo Matu, jej loe juon ennaan:

“Innām ro otemjej renaaj kwaļo̧k Eō im̧aan mejān armej, Inaan barāinwōt kwaļo̧k er im̧aan mejān Jea ej pād i lan̄.

“A jabdewōt eo enaaj kaarmejjet Eō im̧aan mejān armej, Inaaj barāinwōt kaarmejjete im̧aan mejān Jema ej pād i lan̄.”¹⁸

Juon meļeļe epidodo im jejjetļo̧k ilo luuji mour eo am ilo kwaļo̧k Kraist ej n̄an luuji aolepān, ilo ānbwin, ilo rie im jutak kōn tōmak eo am ilo E. Jaar rūttoļo̧k ilo oktak in kōļmenļo̧kjeņ kōn aikuj in eļap ilo kōjerbale ilo bwebwenato ilo ad riit kōn mōrō ko jem̧aan, ekoba enan̄in aolep Rijilōk ro etto. Kiiō jej loe, mekarta, bwe ta eo ekar menin bwebwenato ej waļo̧k tok rainin. Nuuj ko jān Iraq im Syria rej kōnono kōn bukwi Rikūrijin ro im ro jet reiet kar kadiwōjļo̧k er jān kapijuknen ko aer ak kar m̧an er jān jekkar ko renana an Islam ilo jet allōn̄ rem̧ootļo̧k. Rikōm̧m̧an jorrāān ro rej kipel bwe Rikūrijin rein ren oktak jekjek eo aer n̄an Islam ak etal jān bukwōn ko aer ak mej. Rikūrijin ro rej jamin kaarmejjete E, elōn̄ raar ko im jet raar mej.¹⁹Em̧ool jetōb kein renaaj pād ilubwilijin ro Rilo̧mo̧o̧r eo eban jook n̄an kwaļo̧k im̧aan mejān Jemān ilo raan in eo tokālik. Jej jab jeļā ta emaron̄ itok ilju im jekļaj, ak n̄e jabdewōt iaad ej jelm̧ae jorrāān ilo luuji aolepān mour eo ad ilo wāween ejelet Maajta eo, ij lōke bwe jenaaj kwaļo̧k ejja peran im jouj in wōt.

Jerbal ko rekkā (im jet iien eļap aer pen) kōn katakin ko an Rilo̧mo̧o̧r eo, kōn menin, rej aikuj pedped wōt ilo wāween ad mour raan n̄an raan. Ej kea kōn naan ko jej ba, waanjon̄ak eo jej kwaļo̧k. Ad mour ej aikuj in juon kwaļo̧k kōn Kraist, im ippān doon kōn naan ko jej kam̧ool kaki kōn tōmak eo ad ilo wujlepļo̧k n̄an E. Im naan in kam̧ool in ej aikuj in pen kōjparok ilo ad kōnono im kōm̧m̧an, kaljekļo̧k, kōnono ņae ro otemjej rej jum̧ae E “ilo epepen in ej ļōn̄ im jero̧wiwi.”²⁰

Ilo juon iien ejenolo̧k Irooj eaar likūt ennaan in ekabwilōn̄lōn̄ kōn ad tōmak n̄an E:

“Jab ļōmņak bwe Ij itok bwe In jilkinļo̧k aenōm̧m̧an[ ioon] laļ; Iar jab itok bwe In jilkinļo̧k aenōm̧m̧an, a jāje.

“Bwe Ij itok bwe In kiojaļjaļ armej n̄an jemān, im nejin kōrā n̄an jinen, im bar nejin kōrā n̄an bar jinen.

“Im ro an armej ri kōjdat renaaj ro nukun.

“Eo eļap an yokwe jemān ak jinen jān Eō, e patkake Eō, im eo eļap an yokwe nejin m̧aan ak kōrā jān Eō e patkake Eō.

“Im eo e jab bōk an debwāāl im ļoor E e petkake Eō.”²¹

Eaar Ba bwe Eaar itok jab n̄an jilkinļo̧k aenōm̧m̧an, ak barāinwōt juon jāje, ealikkar ilo m̧ool eo jinoin juon kaarmejjete ilo jeje ko rekwojarjar rej kōnono kōn Kraist āinwōt “Irooj in Aenōm̧m̧an,”²²im naan in kean̄ eo ilo ļotak eo An—“Aiboojoj n̄an Anij ilo utiejtata, im aenōm̧m̧an ioon laļ ippān armej raņ,”²³im ro jet relukkuun jeļā kōn eoon in, āinwōt, “Aenōm̧m̧an Ij likūt ņa ippemi, Aō aenōm̧m̧an Ij lewōj n̄an kom̧.”²⁴“Em̧ool bwe Kraist eaar itok n̄an bōktok aenōm̧m̧an—aenōm̧m̧an ikōtaan ritōmak im Anij, im aenōm̧m̧an ilubwilijin armej. Kiiō waļo̧k eo ekabwilōn̄lōn̄ kōn itok eo an Kraist ej boktak—ikōtaan Kraist im rijum̧ae Kraist, ikōtaan meram im marok, ikōtaan ajri ro nejin Kraist im ajri ro nejin devil. Boktak in emaron̄ waļo̧k ikōtaan membōr ejja baam̧le eo wōt.”²⁵

Ewōr aō lōke bwe elōn̄ iami ilo jarlepju in ad aolepān laļ jotenin raar en̄jake ta eo Irooj ej kwaļo̧k ilo eoon kein. Kar dike eok im jilkinļo̧k eok jān jemōm̧ im jinōm̧, ro jeiūm̧ im jatūm̧ ke kwaar bōk gospel eo an Jisōs Kraist im deļo̧n̄e bujen eo An. Ilo juon wāween ak bar juon, am iakwe eļap kōn Kraist eaar menin aikuj kaarmejjete in nukwi ko raar aorōk n̄an eok, im kwaar kōto̧o̧rļo̧k eļap dānin kōm̧jaļaaļ. Kōn iakwe eo am make ej jab tinaad, kwaar dāpdep wōt ium̧win debwāāl in, kwaļo̧k am make jab jook kōn Nejin Anij.

Enan̄in jilu iiō ko rem̧ootļo̧k, juon membōr in Kabun̄ in eaar kwaļo̧k juon kape in Bok in Mormon ippān juon m̧ōttan RiAmish ilo Ohio. In jeran eaar jino riiti bok eo im kar jab maron̄ loore laļļo̧k. Ium̧win jilu raan ko eaar ejjeļo̧k an ikdelel ilo men ko jet ak riiti wōt Bok in Mormon eo. E im kōrā eo pāleen raar peptaij, im ium̧win wōt jiljilimjuon allōn̄ ko eaar wōr jilu ripālele Amish raar oktak im peptaij erom membōr in Kabun̄ in. Ajri ro nejier raar peptaij jejjo allōn̄ tokālik. Baam̧le kein jilu raar pepe n̄an pād wōt ilo jukjukinpād eo aer im wōnm̧aanļo̧k ilo jekjek in mour an RiAmish men̄e raar oktak jān tōmak eo an Amish. Mekarta, āinwōt juon waļo̧k in aer kar peptaij, raar aikuj “dike” jān riAmish ro riturier. Dike meļeļein bwe ejjeļo̧k juon ilo jukjukinpād an Amish enaaj kōnono n̄an er, jerbal ippāer, kōm̧m̧an pejnej ippāer, ak kobaļo̧k ippāer ilo jabdewōt wāween. Ekoba ro jerāer barāinwōt membōr in baam̧le ko aer—ro jeiūer im jatūer, ro jineer im jemāer im ro jibūer im jim̧aer.

Ilo jinoin, Rikwojarjar rein raar lukkuun in ajimakeke im ettoļo̧k barāinwōt ajri ro nejier raar aikuj in dike er im kōm̧akūt er jān jikuuļ ko an Amish kōnke peptaij eo aer im aer uwaan Kabun̄ eo an Jisōs Kraist im Armej ro Rekwojarjar ilo Raan-ko Āliktata. Ajri ro nejier raar kijenmeje dike eo jān ro jibūer im jim̧aer im ro rilikier im ro riturier. Aaet jet iaan ro rerūtto nejin baam̧le in Amish rein ro raar jab bōk gospel, eo ban kōnono n̄an er ak aaet kile ro jineer im jemāer. Baam̧le kein raar en̄taan n̄an anjo jān wāween ko rejelet dike ilo iiaio im jeram̧m̧an, ak rej etal wōt.

Tōmake eo aer eaar kajoor wōt. Apan̄ im jum̧ae ilo dike eaar kōm̧m̧an aer pen im dim. Juon iiō tokālik aer kar peptaij, baam̧le ko raar liāp ilo tampeļ eo im wōnm̧aanļo̧k tiljek etal n̄an tampeļ eo kajjojo wiik. Raar loe kajoor jān bōk kain̄i ko im deļo̧n̄e im kautiej bujen ko. Er aolep rej niknik ilo doulul ko aer ilo Kabun̄ in im wōnm̧aanļo̧k wōt pukōt wāween ko n̄an kwaļo̧k meram im jeļāļo̧kjeņ eo an gospel eo ippān baam̧le ko aer im jukjukinpād eo jān m̧akūtkūt ko rejouj im jipan̄.

Aaet, wōnāān eo n̄an kobatok ilo Kabun̄ eo an Jisōs Kraist emaron̄ ļap, ak rōjan̄ eo n̄an kālet Kraist ilōn̄ in aolep men ko jet, men̄e membōr in baam̧le ko ad, rej barāinwōt jerbal n̄an ro otemjej raar ļo̧tak tok ilo bujen. Elōn̄ iaad raar erom membōr in Kabun̄ in ilo ejjeļo̧k jum̧ae, bōlen āinwōt ajri ro. Apan̄ eo emaron̄ itok im̧aad ej pād wōt im m̧ool n̄an Rilo̧mo̧o̧r eo im Kabun̄ eo An im̧aan ro jined im jemād, ro nej jeid ak jatid, ro jeid im jatid, ak bōlen ajri ro nejid ro aer kōm̧m̧an, tōmak, ak kālet ekapen aer jipan̄ E im er. Ej jab juon kajjitōk in iakwe. Jemaron̄ im jaikuj iakwe doon āinwōt Jisōs ej iakwe kōj. Āinwōt Eaar ba, “Ilo men in armej otemjej renaaj jeļā bwe kom̧ij rū kaļora, eļan̄n̄e kom̧ij yokwe doon.”²⁶Ak, Irooj ej kakeememej kōj, “Eo eļap an yokwe jemān ak jinen jān Eō, e patkake Eō.”²⁷Mekarta iakwe an baam̧le ej wōnm̧aanļo̧k, jem̧jerā ko remaron̄ rub im, ekkar n̄an jekjek ko, men̄e rie ak kālet ro jet ilo iien ko maron̄ bōjrak jet iien kōn E ad iakwe eutiej.

Ilo m̧ool, wāween eo em̧m̧an n̄an jipan̄ ro jej iakwe—wāween eo em̧m̧an ej iakwe er—ej n̄an wōnm̧aanļo̧k n̄an likūt Rilo̧mo̧o̧r m̧okta. N̄e jej kōtļo̧k ad make peļo̧k jān Irooj n̄an rie ro jeaikwe ro rej en̄taan ak m̧ōk, innām jej luuji jeram̧m̧an ko jemaron̄ kar jipan̄ er kaki. N̄e, kōn menin, jej pen tōt okar ilo tōmak ilo Kraist, jemaron̄ in pād ilo juon jekjek jim̧or n̄an bōk im n̄an leļo̧k jipan̄ ekwojarjar. N̄e (ak n̄a iakuj ba n̄āāt) iien eo ej itok bwe juon membōr in baam̧le eakwe aikuj oktakļo̧k n̄an jipan̄ eo emake wōt im ejjeļo̧k jem̧ļo̧kin, ļeo ak lio naaj jeļā wōn n̄an lōke āinwōt juon tōl im juon m̧ōttan. Ilo iien in wōt, ippān menin letok eo an Jetōb Kwojarjar n̄an tōl, jemaron̄ kōm̧m̧ane juon jerbal edim n̄an kadikļo̧k metak in kālet ko rebōd im kitim kinej ko jon̄an wōt ad maron̄. Eļan̄n̄e ejjab, jej jerbal jab n̄an ro jej iakwe ak kōj make.

Bwe Ewi Em̧m̧an n̄an Armej Eļan̄n̄e ej Jibadek Aolepen Laļ, im Kowōtlo̧k An Jetōb?

Mōņakjen eo kein kajilu ej luuji mour ko ad n̄an kōņaan eo an Irooj eo ikōņaan kwaļo̧k ej waļo̧k ilo naan ko an Irooj:

Kein kajilu mōņakjen eo kōn luuji mour ko ad kōn Irooj eo ikōņaan kwaļo̧k ej waļo̧k ilo naan ko an Irooj:

“Bwe Jabdewōt eo enaaj joļo̧k an mour ilo laļ in, kōn Eō, naaj lo e ilo laļ eo ej itok. Kōn menin, meļo̧kļo̧k laļ in, im lo̧mo̧o̧ren jetōb ko ami; bwe ewi em̧m̧an n̄an armej, eļan̄n̄e ej bōk aolepān laļ in im ej luuji jetōb eo an make? Ak ta eo juon armej enaaj leļo̧k ilo ukōt bōke kōn jetōb eo an?”²⁸

Āinwōt letok ilo Joseph Smith Translation: Bwe Ewi Em̧m̧an n̄an juon armej n̄e ej bōk aolep laļ in, im ejjab bōk e eo Anij eaar kapit e, im ej luuji jetōb eo an make, im e make jenolo̧k?²⁹

N̄an ba bwe meļo̧kļo̧k laļ in ilo kile kōn bōk “e … eo Anij eaar kapiti” ej m̧anit eo ej jum̧ae m̧anit eo ebun̄bun̄ ilo laļ in rainin em̧ool epidodo loe. Kālet ko im̧aantata im ikdeleel ko ekkā ad loi ilo jikin ko ipeļaakid (im jet iien ilo kōj) rej ļōmņak kōn kōj make: kōņaan kile; kajjitōk ilo kipel n̄an kautiej jim̧we an juon (ekoba juon jim̧we ej jamin aikuj illu kake); kōjerbal kōņaan kōn jāān, men ko, im kajoor; en̄jake bwe juon ej aikuj bōke n̄an juon mour eaenōm̧m̧an im kam̧ōņōņō; juon kōttōbar eo ekadikļo̧k eddo im joļo̧k jabdewōt kaarmejjete n̄an em̧m̧an an bar juon; n̄an kwaļo̧k jet iaer.

Menin ejjab n̄an ba bwe jej jab aikuj pukōt tōprak, aaet kabāāl ilo kijejeto ko ewōr tokjāer, ekoba jeļāļo̧kjeņ im utiej in jerbal. Jinoin iiō in, Jed Rubenfeld im Amy Chua, ro rej ripālele rikkaki in kaļej ilo Yale Law School, kar je juon bok The Triple Package: Ewi Wāween an Jekjek Kein Jilu Rāinjuon Kōmeļeļeik Jutak im Wōtlo̧k eo an Kurub in M̧anit ko ilo Amedka. Meļeļe eo aer ej bwe jet kurub ilo Amedka rem̧m̧an ļo̧k jen ko jet pedped wōt ioon jekjek ko jilu ilo m̧anit, kar kōmeļeļeik ilo bok in, bwe leļo̧k n̄an kurub kein tōprak. Chua im Rubenfeld rej kalikkar Mormon ro, Riju ro, RiAsia ro, RiAfrica ro Tuiiōn̄, RiIndia RiAmedka ro, im RiCuba RiAmedka ro āinwōt kurub ko ilo Amedka rainin ewōr ippāer jekjek kein.³⁰

Keidi kurub kein ilo jukjukpād in Riamedka ilo jon̄ak eo ekilep āinwōt “wōrļo̧k ko, jeļāļo̧kjeņ im tōprak, ritōl jikin jerbal, tōprak ilo jerbal, im m̧anit ko jet jon̄i,” Chua im Rubenfeld rej ba:

“Eļan̄n̄e ewōr juon kurub ilo U.S rainin rouki kōn m̧anit etōprak, ej Mormon ro. …

“Ilo m̧ool Ribūrotijen ro rej kōm̧m̧ane enan̄in 51 bōjāān in oran armej in U.S, Amedka 5 n̄an 6 milien Mormon ro rej 1.7 bōjāān. Juon nōm̧ba ekabwilōn̄lōn̄ emōj an wanlōn̄ļo̧k ilōn̄ tata in eria ko ilo kom̧bani im kien an Amedka.”³¹

Ilo m̧ool tōprak kein raorōk reļļaaj, ak n̄e jaar iten kōjparok mour ko ad, jej aikuj aolep iien keememej bwe kain tōprak kein rej jab jem̧ļo̧k ko ilo er make, ak rej n̄an juon jem̧ļo̧k eutiej ļo̧k. Ippān tōmak eo ad ilo Kraist, jej aikuj lo kien, pejnej, jeļāļo̧kjeņ, im jekjek ko āerwōt ilo tōprak jab āinwōt kōmeļeļeik ak ilo kapidodo jerbal eo ad n̄an Anij im ro riturir—jino ilo kapijuknen im kōļapļo̧k jon̄an eo jemaron̄e ilo laļ in. Eddōkļo̧k an juon make ewōr aorōkin ilo an leļo̧k n̄an eddōkļo̧k āinwōt juon m̧wil āinwōt Kraist. Ilo jon̄e tōprak, jej kile m̧ool eo ejelet men ko jet—bwe mour ko ad rej an Anij, Jemedwōj Ilan̄, im Jisōs Kraist, ad Ripinmuur. Tōprak ej meļeļein mour ilo jokne ippān Ankilaer.

Ilo keidi n̄an mour kōn an juon kautieji, Būreejtōn Spencer W. Kimball eaar letok juon uwaak emeļak im wāween em̧m̧anļo̧k:

“Jipan̄ ro jet ej kam̧wilaļļo̧k im kōm̧anm̧anļo̧k mour in ilo ejja iien in wōt jej m̧aanjebpopo n̄an mour ilo juon laļ em̧m̧anļo̧k. … N̄e jej pād ilo jipan̄ armej ro ad, jab wōt n̄e jej jouj ej jipan̄ er, ak n̄e jej likūt inepata ko ad make ilo juon mejatoto ekāāl. N̄e jej inepata kōn kōj make eļapļo̧k jān ro jet, ewōr wōt jidik iien n̄an inepata ijeņ kōn kōj make! Ilubwilijin kabwilōn̄lōn̄ in jerbal, ewōr kalim̧m̧ur an Jisōs ijeņ bwe jān luuji kōj make, jej lo kōj make! [Lale Matu 10:39]

“Jej jab 'lo' wōt kōj make ilo jekjek ko kōn kile tōl eo ekwojarjar ilo mour ko ad, ak ilo ad jerbal eļapļo̧k n̄an ro riturir ilo wāween ko rejjejet, eļapļo̧k mōņakjen ijeņ ej n̄an jetōb ko ad. Jej erom aorōkļo̧k ilo ad jerbal n̄an ro jet—em̧ool, epidodo n̄an 'lo' kōj make kōnke eļap ijo n̄an kōj n̄an pukōte!”³²

Waanjon̄ak kōn Mour an Juon ej Jako ilo Kraist im Gospel eo An

In kiili kōn jet waanjon̄ak ko kōn ta meļeļein ilo mour raan n̄an raan n̄an mour an juon ej Jako ilo Kraist im gospel eo An im kōn menin ej loe mour eo em̧ool (im em̧ool mour) indeeo.

Būreejtōn Henry B. Eyring eaar būreejtōn an Ricks College, kiiō Brigham Young University—Idaho, ilo Juun 1976, ke kar dedeļo̧k Teton Dam, ejjab ettoļo̧k jān Rexburg, ekar rub. “Ralitōk bilien kōļan in aebōj raar to̧o̧rļo̧k n̄an Rexburg kōn en̄oul m̧aeļ juon awa, bōk men otemjej im̧aan.”³³Elōn̄ armej ilo jukjukinpād eo raar uwaak, jipan̄ ro jet men̄e mōko m̧weer make im men ko m̧weier raar jorrāān jān ibwijleplep. Jejjo, mekarta, raar kōm̧ake iaer ro rejitōn bōro im likūt er n̄an kōjparok er make.

Būreejtōn Eyring, e make eaar jipan̄ tōl jerbal in jipan̄ eo, kōņaan in meļeļe ta kar un eo n̄an “oktak eo ikōtaan uwaak eo an jet … im liaakeļo̧k an ro jet. … Eaar kurubi jidik bōtaab kar lukkuun ekkatak. ‘Ewōr juon men jemaron̄ loe,' eaar ba tokālik n̄an senior ro ilo kūlaaj in kadiwōjļo̧k eo.

“‘Jabdewōt ro raar bun̄bun̄ raar armej ro aolep iien raar keememej im kōjparok kalim̧m̧ur ko ilo men ko reddik, men ko raan otemjej … juon kalim̧m̧ur n̄an pād wōt ālkin kōjota an kabun̄ n̄an karreo, itok n̄an jerbal ilo juon Jādede jipan̄ juon riturin.

“‘Jabdewōt ro raar em̧m̧akūt jān baam̧le ko aer iien eo eaar pen raar em̧m̧akūt jān eddo eo aer ke eaar jab pen. Ewōr ippāer juon jon̄an in likjab n̄an kōjparok naan ko aer n̄an kōm̧m̧ane men ko reddik ke kaarmejjete n̄an er enaaj kar dik im kōm̧m̧ane ta eo raar ba renaaj kar kōm̧m̧ane enaaj kar pidodo. N̄e wōņaan eo ej ļap, rej jab maron̄ kōļļāiki.’”³⁴

Sister Christofferson im n̄a ekar wōr juon m̧ōttam̧ kōm̧ ar iione ke kōm̧ ar pād ilo jikuuļ, juon membōr in ward eo am ilo Durham, North Carolina. E im ļeo pāleen rekar juon kabōļ rekkar n̄an ajri jidik. Kōrā eo eaar jeram̧m̧an kōn māletlet, im deeo, im em̧m̧an m̧wilin. Aolep raar nōbar im m̧ōņōņō in pād ipeļaakin. Jet 25 iiō tokālik, mekarta, ke eaar pād wōt ilo 40 an iiō, eaar do̧loolo̧l kōn juon kāānjer in lo̧je ekauwōtata im ejjeļo̧k unokan eo eaar ajedeed n̄an ajin im ārin. Men̄e ilbōk im metak eo ke mour eo an epaake juon jem̧ļo̧k, eaar jeje naan kein rejouj n̄an baam̧le eo an im ro m̧ōttan, ro eaar lukkuun būrom̧ōj kaki ilo an ilo̧k: “Karōk eo [An] ekwojarjar im ej wōnm̧aanļo̧k wōt ilo an kar karōke. Kōnke iaar kālet n̄an jelm̧ae mālijon̄ in, ijeļā bwe ej aikuj n̄an em̧m̧antata eo aō im lan̄lōn̄ eo ilōn̄ tata. Emōj kadede, an kōjeram̧m̧an ko ilo jetōb itok n̄an n̄a, im ij en̄jake jem̧ļo̧k eo bwe inaaj en̄jake aolep men ko ij aikuj in m̧aanjebpopo n̄an ioon aō Rilo̧mo̧o̧r. An kajoor ej pād ioon laļ in. Ejjeļo̧k bōd. … Mālijjon̄ ko rellōn̄ im reddo ilo tōre in. Aolep rej aikuj en̄taan jān ko aer. Reilo̧k n̄an Irooj im bōk jipan̄. Bōk men kein bwe rej ami im metak enaaj ilo̧k jān eok, im aenōm̧m̧an enaaj itok.”

Juon sister em̧m̧an dettan eaar kālet n̄an jerbale juon mijen ālkin an kadedeļo̧k degree ko im kar bōk koņaan ilo juon jerbal eutiej im ekkatak būrookraam̧ ko jim̧or ilo m̧weo im ilikin. Eaar ejaake maron̄ eo n̄an ekkejel ippān im kōnono n̄an armej jān enan̄in aolep system in tōmak, jibadbad in kien, im laļ, im eaar inepata bwe kōņan juon name tag juon raan, aolep raan emaron̄ erom juon kōkkaļļe emaron̄ bōbrae an maron̄ ejaak jem̧jerā ko. Jet wiik ilo mijen eo an, eaar jeje n̄an m̧weo im̧ōn kōn juon en̄jake eaorōk: “Sister Lee im n̄an kūriiji pein juon lelļap—kōm̧ ro kar jijet iturājet ko in e—iien eo kōm̧ ar jijet ilo living ruum̧ eo an. Eaar jab kōņaan in ron̄jake jabdewōt ennaan kōm̧ ro ej ba, ak jen al, ron̄jake am al. Kom̧ool mijenede name tag ekilmeej kōn ami letok maron̄ n̄an bōk koņaaō ippān riwamijet.”

Jān men ko eaar en̄taan kaki, Rikanaan Joseph Smith eaar katak n̄an joļo̧k mour eo an ilo jerbal eo an Maajta eo im eo Mōttan. Eaar ba, “Iaar kōm̧mane ej aō kien: N̄e Irooj ej kean̄, kōm̧m̧ane.”³⁵ Ij ļōmņak jenaaj kar aolep m̧ōņōņō in tōpar lābōļ in tōmak in an Brother Joseph. Men̄e, eaar kipel n̄an en̄taan ium̧win allōn̄ ilo kalbuuj Liberty, Missiouri, en̄taan in ānbwin ak bōlen ļapļo̧k an en̄jake im ilo jetōb ilo an jab maron̄ jipan̄ kōrā eo pāleen, ajri ro nejin, im Rikwojarjar ro iien eo kar kowaan er im kakkure er. Revelesōn ko an im tōl eo an eaar bōktok er n̄an Missouri n̄an ejaake Zaion, im kiiō kar kokak er jān mōko m̧weer, ilo winter, kijoone aolepān state en. Mekarta men otemjej, ilo jekjek ko ilo kalbuuj, eaar je juon leta eim̧we n̄an Kabun̄ eo ilo jeje eo em̧m̧antata im kōkbōkak, m̧ōttan ko rej kiiō kitbuuj jekjen 121, 122, im 123 in Doctrine and Covenant, kōjemļo̧k kōn naan kein, “Jen m̧ōņōņō kōm̧m̧ani men otemjej repād im̧aan ilo ad kajoor; innām jemaron̄ jutak wōt, kōn kam̧ool eo eļaptata, n̄an lo lom̧oor an Anij im kōn Pein n̄an an waļo̧k.”³⁶

Aaet, kōmeļeļe in eļap kōn lo̧mo̧o̧ren mour an juon jān luuji en̄in ej, O Jema, n̄e kab in ej jab maron̄ ilo̧k jān n̄a, ijjeļo̧kin ij idaake, Ankilaam̧ enaaj dedeļo̧k.³⁷Ilo leļo̧k mour eo An, Kraist eaar jab lo̧mo̧o̧r mour eo An Make—Eaar lo̧mo̧o̧ren mour ko an aolepād wōj. Eaar kōm̧m̧an bwen pidodo n̄an kōj n̄an ukōt bōkā ta eo enaaj kar erom juon men eo enaaj kar ejjeļo̧k tokjān mour in n̄an mour indeeo.

Naan in Kam̧ool

Unin tōl an mour eo an Rilo̧mo̧o̧r eo ekar “Ij kōm̧m̧ane aolep iien men ko rej kabun̄ būruwōn [Jemān—].”³⁸ Ij jar bwe kom̧ naaj kōm̧m̧an bwe en unin tōl an mour eo ami. N̄e kom̧ij kōm̧m̧ane, kom̧ naaj lo̧mo̧o̧ren mour eo ami.

Ro jera reddik im rejitōn bōro, kom̧in m̧ōņōņō ilo aolep ami kijejeto im bōke n̄an likūt E m̧okta. Katak n̄an kōņaan ta eo Ekōņaan. Kwaļo̧k im kile E ilo aolep jekjek in mour eo ami. Jab jook kōn Kraist ak gospel eo An, im m̧ōņōņō in likūt laļ ļo̧k men otemjej, kaorōk jem̧jerā ko, im mour n̄an E. Ak tōre in kom̧ij mour, en mour eo ami en juon menin leļo̧k. Kotak An debwāāl kajjojo raan ilo pokake im jipan̄. Men kein rej kōtmāne ko im leen ko an tōmak eo ad, ilo etan Jisōs Kraist, amen.