iMatai ni Vosa

Lotu ni iTabagone Qasecake e Vuravura Raraba

Mai vei Quentin L. Cook

Ena Kuoramu ni Apositolo Le Tinikarua

Sigatabu, 19 ni Noveba, 2023

Vinaka, Peresitedi Reese.

Ni bera ni da tekivu veiwasei, au via vakaraiaka na ni nona sa mai kacivi o Peresitedi M.Russell Ballard ena Sigatabu sa oti—na peresitedi ni noqu kuoramu ka itokani lomani. Au vakaraitaka na noqu lolosi kei na mtavuvale kei na daulomani ka vakavinavinakataka na bula ni solibula kei na veivakalougatataki ni Tamada Vakalomalagi ki veikeda na luvena.

Keirau marautaka kei Mary na neirau mai sema kei Elder Clark G. Gilbert kei Sister Christine Gilbert me keitou vosa ena lotu e vuravura raraba mai na koronivuli e Brigham Young.

Ena vakavakarau ni tavi oqo, au vakasokumuna eso na taro mai vei ira na itabagone qasecake mai na veiyasana ena lotu. Keirau tekivu ena CES mai vei ira na veikoronivuli ni vuli torocake: Eke e BYU, qai gole e BYU–Idaho, BYU–Hawaii, kei Ensign College. Keirau sa qai vagolea vei ira na gonevuli raraba e vuravura ena BYU-Pathway ka vei ira talega era lewena na inisitute ni Lotu e veiyasai vuravura ni Lotu i Jisu Karisito ni Yalododonu Edaidai. Na vei peresitedi ni vei koronivuli oqo kei ira na iliuliu era sota vakailawalawa gonevuli me ra kila kina na veitaro cava eso e bibi duadua vei ira na itabagone qasecake ena gauna oqo. Sa dua dina na itaviqaravi vinaka, ka qai yaco me lako cake mai kina eso na vakatataro totoka.

Na nomuni vakanananu kei na veika o ni vakila era vakasakiti na kedra tautauvata, e vuqa vei kemuni o ni duavata ena vakatataro vakayalo kei na veika ni bula. Se mani o gonevuli ni dua na inisitute mai Peru, se gonevuli ni Ijinia ena koronivuli e BYU-Idaho, se o mani vuli tiko ena BYU-Pathway ena Ra kei Aferika, se o dua na gonevuli ni daudroini ena koronivuli e BYU, se o sa cakacaka ka dau tiko ena inisitute e Urope, mai na yatu Filipaini, se ike sara madaga e Utah, o kemuni na itabagone qasecake raraba ena Lotu o ni duavata ena vakabauti Jisu Karisito ka wasea vata na gagadre, sasaga, kei na vakatataro. O ni vakasakiti yadudua kece sara ka tiki bibi ni Lotu oqo ena veisiga nimataka.

Keitou sa kumuna vata na nomuni taro ena lima na ilawalawa me baleta na veivakavulici nikua.

1. Lako curuma tiko na ibolebole ni bula kei na vakabauta

2. Loloma kei na nomu semati iko kina

3. Lalawa ni bula kei na kena tuvai vakamatau

4. Tutaki ni Dina

5. Ciqomi ni vakatakila yadua

6. Veidusimaki vaka Parofita

Bogi nikua, keitou na veitalanoataki ira yadudua na veitaro oqo kei kemuni ena dua na sala koya na wasei kina na veika o ni lako curuma kei na neitou vakadidike mai na neitou veimaliwai kei kemuni na itabagone qasecake e veiyasai vuravura ena Lotu.

Keirau na wasea kei Sister Cook na imatai ni rua na taro me baleta na ibolebole ni bula kei na vakabauta, na loloma kei na nomu semati iko kina O Elder kei Sister Gilbert erau na wasea na veika erau a lakocuruma ena noda dui tavi ni kena tuvai vakamatau na bula. E rau na vosa tale tikoga ena ibalebale ni tutaki ni dina ena gauna veiyavalati oqo ni bula. Ni oti au na qai wasea eso na vakadidike kei na ivakasala me da ciqoma na ivakatakila yadua kau na qai tinia ena noqu vakanananu me baleta na veidusimaki vaka parofita.