Tuvanaki ni Bula kei na Veiraurau ni Bula
Lotu e Vuravura Raraba me baleti ira na iTabagone Qase Cake
Sigatabu, 19 ni Noveba, 2023
Elder Clark G. Gilbert: Vinaka vakalevu, Elder kei Sister Cook. O Christine kei au keirau marautaka sara vakalevu na mai veitalanoataka vata na imatai ni taro ni tuvanaki ni bula kei na veiraurau ni bula.
Sister Christine Gilbert: Keitou e dua na matavuvale osooso. Na itaba oqo ni neitou matavuvale bulabula sa mai na siga e kacivaki kina me sa mai peresitedi ni BYU–Idaho o watiqu. E dau levu na veika e lavaki vakacakacaka vei koya—me vaka e dua na parofesa ni Harvard, na iLiuliu ni dua na kabani ni vakauitukutuku, kei na peresitedi ni rua na isoqosoqo ni univesiti. E vei gauna kece oqo, keirau osooso ruarua e na veiqaravi ena Lotu. Ia na neirau itavi bibi duadua sa ikoya na neirau vakamau kei na luvei keirau.
Elder Gilbert: Au vakananumi kina veika oqo e na gauna au liutaka tiko kina na Deseret News E vica vei kemuni na uabula sa bau wilika mada na niusipepa tabaki e veisiga? Laveta cake na ligamuni. Oqori sara ga na ka au nanuma—voleka sara ni sega ni dua. E soli vei au e dua na itavi me vukea na kena dewa na Deseret News mai na niusipepa tabaki ki na vakalivaliva ni veisiga ni mataka. Sa dua na gauna dredre sara. Ena gauna oya, sa vitu na luvei keirau mai na walu, ka au veiqaravi tiko vaka bisopi.
Dua na siga, o Peresitedi Boyd K. Packer e qiriti au ka tarogi au, “Baraca Gilbert, Au vakataroga tiko me baleta na nomu matavuvale. O solia tiko na nomu gauna ki vei watimu?” Au cegu ka sauma, “E sega beka.” E qai kaya okoya vei au, “Baraca Gilbert, o na liutaka na ilawalawa ni vakauitukutuku oqo ena dua na gauna, ia o na liuliu ni vale ka dua na tama me tawamudu.” Sa qai solia vei au okoya e dua na ilesilesi meu dau gade kei Christine vakadua e veimacawa.
E tarogi au okoya ena gauna cava au dau gole kina ki moce, ka au sauma lesu 1 se 2 ni mataka e vei bogi. Na isau ni nona taro “Au sa rere. E sauma lesu mai, “Iko nanuma ni veika kece oqo e vakatau tiko ki na nomu sasaga. O sega ni nuitaka na Turaga.” O Peresitedi Packer e sa qai solia vei au e dua na curfew vakaapositolo, ka au sa dau sasaga meu maroroya me yacova mai oqo,
Sister Gilbert: Kevaka sa tiko vei iko e dua na curfew ka tuvai tu e dua na bogi ni gade, o na cakava vakacava na vei itavi bibi tale eso?
E tekivu ena tuvatuva. Mai na tekivu ni neirau vakamau, keirau dau vakayacora e dua na gauna ni tuvatuva vakamacawa ena veibogi ni Sigatabu. Vei keirau, oqo e dua na iyalayala keirau na sega ni calata se mani vakacava sara na neirau osooso.
iKarua, na veiraurau ni itavi ni bula e gadreva na lalawa wasei. Dina ga na gauna ni keirau dau tu veiyawaki, keirau vakila na duavata na gauna e tiko na inaki wasei. Ni sa lako voli ena cakacaka o watiqu se au a veituberi tiko ena dua na kalasi ni semineri ena mataka lailai se a tiko ena dua na itavi ni iteki, kevaka me keirau a tuvanaka na ilesilesi oqori ka sa tuvanaki vata ena neitou inaki, keirau a tiko vata ena gauna mada ga keirau a veibiu kina.
Elder Gilbert: Ia, e tiko na gauna e gadrevi mo biuta eso na iyalayala matata ena so na digidigi.
Clay Christen, e dua na itokoni mai Boston, a talanoa taka na nona iliuliu vakcacaka a tarogi koya ena dua na mataka ni Sigatabu, se mataka ni Vakarauwai ena vinaka vei ena nodratou sota ena ka bose vakamacawa. E sauma lesu o Clay, “Ena vica na yabaki sa oti, au sa nanuma meu na solia na Vakarauwai vei watiqu kei na Sigatabu vua na Kalou, kevaka o vinakata me rau lesu tale mai, sa dodonu mo kerea na nodrau veivakadonui.”
Eso na yalayala e gadrevi me sega ni rawa ni veisautaki ena nomu bula. Ena neitou matavuvale, oqo e oka kina na lotu e vei Sigatabu, lotu vakavuvale veimacawa, lotu vakavuvale ena mataka kei na bogi, kei na gauna vata veiwatini e veimacawa.