Tutaka na Dina
Lotu e Vuravura Raraba me baleti ira na iTabagone Qase Cake
Sigatabu, 19 ni Noveba, 2023
Sister Christine Gilbert: Na taro e tarava keirau sa kerei me vosa kina o ya na sala me tutaki kina na dina ena veigauna ni veilecayaki levu.
E vica vei kemuni o ni dau teks vei ka wasea vei ira na nomuni itokani keina matavuvale? Rairai o keda kece, donu? Ena dua na noqu ilawalawa ni veitekstaki, eso era sa yalayala titobu sara ena kosipeli kei na so era se leqa tiko ga ena veika ena loma ni Lotu. E rogo vakalevu beka oqo ki na dua vei kemuni? Na cava e yaco ke dua o lomana e kaya e dua na ka o kila ni sega ni dina?
Elder Clark G. Gilbert: Eda sa rogoca tu na mataqali talanoa vakaoqo mai vei ira na itabagone qase ena loma taucoko ni Lotu. Au kila nio vakila.
Nida veitalanoataka na ulutaga oqo, au raica nida wasea na kena tutaki vata kei na rua na mata e rau matanataka ena yalololoma kei na yalodina.
Rau a vakaitikotiko vakalevu o Elder Cook kei Sister Cook mai San Francisco Bay Area ena nodrau bula vakacakacaka. A vuli tiko o Elder Cook ena Stanford Law School, liutaka tiko e dua na kabani ni lawa ena Bay Area, vata kei na dua na isoqosoqo levu ni qaravi ni bula. Rau a cakacaka na Cook ka vakaitikotiko kei na vuqa na itokani vakacakacaka ka sega ni tautauvata na veika era bulataka. Ia rau a kunea na sala eso merau tutaka kina na dina ena gauna vata ga erau itokoni vinaka ka bula veimaliwai vinaka kina kei ira. Au raica oqo niu mai tomani rau na Cook ena kena dolavi raraba na Valetabu e Washington D.C vata kei na ilawalawa ni daunitukutuku rogo levu kei na iliuliu vakoroi kilai levu. Au qoroya na matata ni nodrau wasea na Cook na dina ni kosipeli, kei na bibi ni vakamau ena valetabu, bula savasava, kei na maroroi ni veiyalayalati, ena gauna vata ga e tarai cake tiko na isema ni veikilai.
A levu talega na madigi eso meu vulica kina na sala meu tutaka kina na dina ena loloma. Ena yabaki sa oti, au ciqoma e dua na qiri mai vei Peresitedi Oaks. A kaya, “Elder Gilbert, au na vosa tiko ena dua na soqoni ni lotu, au gadreva me daru na lai vosa vata kina. O rawa nio tomani au ena itutu ni vunau ka medaru wasea vata e dua na ulutaga bibi baleta na veiulutaga ni veibolei ena siga edai?” E tukuna ni daru na veitalanoataka na vakatataro me ni LGBTQ, ulutaga ni veiduitaki kawa tamata, kei na veivakadodonutaki vakaparofita. A qai tukuna, “Darukua ni vosa mai na ivola. Daru veiwasei ga ka me saumi mai vakadodonu, ena veitalanoa.” Au sauma totolo sara “Ena cakacaka oqo ena nona vosa, ia ena vuku ni Lotu taucoko, ena vinaka cake kevaka medaru vola na veika au na tukuna.” Oqo na yaloyalo ni lotu oya.
Ena nona vosa, a vakamacalataka o Peresitedi Oaks e lima na sala eda rawa ni tutaka kina na dina ena loloma.1
iMatai mo levea na veisaqasaqa. Me vaka e vakavulica o Elder Neil L. Andersen, “ENa so na gauna na tisaipeli i Karisito ena lako tani ga.”
iKarua mo lomani ira na tani, mo raica vakatatauvata ena gauna eda sega ni duavata kina.
iKatolu mo tutaka na dina, kevaka madaga eda sega ni yacova rawa. Ena so na gauna eda na vakatovolei meda lako tani mai na veika eda kila ena noda sasaga meda vakaraitaka na loloma. E sega ni gadrevi meda cakitaka na veika dina eda kila.
Ikava meda rarama ka itokani ka qaravi ira na tani, kena itoioti meda sema tiko ga vei Jisu Karisito.
Sister Gilbert: Ena koniferedi sa oti toka oqo, a vosa o Elder Cook na digidigi meda tutaka na dina ka sega ni vakamalumalumutaki ena veisaqasaqa kei vuravura: “O ira na daumuri Karisito ena veivakacegui era sega [ni dau guce mai na ka dina se luluqa mo lomani ira eso tale]. Eda sa lewe ni vanua vinaka, ka daucakacaka ena noda itikotiko raraba. Eda lomana, veiwasei, ka sureti ira [talega] na luvena taucoko na Kalou mera muria na ivakavuvuli i Karisito.”2
Au nanuma ni oqo na veika e vakavulica keda tiko o Peresitedi Nelson ni kacivi keda tiko meda sa dauniveisaututaki.3 E sega ni vinakata o koya meda lako tani mai na dina, ia e vinakati keda meda cakava ena noda lomana na iVakabula.