Kotika Bomoi na Biso Ekangama na Yesu Klisto
Losambo ya Mokili Mobimba mpo na Bilenge Bakola
Moloko ya Eyenga 18, Sanza ya mibale 2024
Mpaka Ulisses Soares: Mituna nyonso kitoko oyo tolobeli na mpokwa ya lelo esuki na likambo ya motuya mingi oyo bomemelaki biso mpo na losambo na biso: “kotya bomoi na biso epayi na Yesu Klisto.”
Tosengi botya video.
BOLIVIA LA PAZ—MOTUNA 3
Mpaka Soares, Nazali na motuna. Lolenge nini tokoki, na kati ya mokili oyo ya mobolu, kokolisa elikya monene na Mobikisi mpe kongengisa malamu pole ya Yesu Klisto na mokili oyo?
MEXICO CITY #1–MOTUNA 4
Mpaka Soares, lolenge nini nakoki kopusana pene ya nguya ya Nzambe mpe, na kosalaka bongo, kobongisa bomoi na ngai mpe kozala na makoki ya kosunga basusu?
PHILIPPINES CEBU—MOTUNA 9
Mpaka Soares, nalingi natuna, lolenge nini tokokesenisa kibobongi nie uta na libyangi ya Klisto ya kozala bato ya kokoka lokola Ye?
Mpaka Soares: Melesi mingi mpo na mposa na bino ya sembo ya kolanda Mobikisi elakisami na nzela ya mituna oyo. Bosengeli koyeba ete Mobikisi na biso atelemaka na bikuke ya mikolo na biso, na maboko na Ye ya mawa etandami, kolingaka, mpe kozala na likoki ya kozinga biso na bolingo na Ye. Alingi ete biso tokoma lokola Ye, ete tokanisa mpe tosala makambo lokola Ye mpo Ayebi ete yango ezali se nzela ya kozwa kimya ya seko mpe esengo. Na yango, Mobikisi azali kaka kobenga biso topusana pene na Ye mpe tolanda Ye na motema mobimba. Bozwa libyangi oyo ndenge ekomami na makomi:
“Botalela ngai na makanisi na bino nyonso; botia ntembe te, bobanga te.” Ntango tozali koyamba libyangi oyo, Mobikisi akokokisa bilaka na Ye ya kokamwa, kobakisaka kotambola na pole na Ye mpe kozwa litambwisi ya moto ye moko na bomoi na biso.
Kotya bomoi na biso epayi na Mobikisi esengaka ete makanisi mpe bamposa na biso eyokana na oyo ya ye. Mpo na kokokisa mosala oyo, tosengeli kosala makasi mpo na koyekola mingi etali Ye, kotambwisa bomoi na biso na boyokani na nsango malamu na Ye mbala na mbala, mpe kosala molende ya mokolo na mokolo, molende makasi mpo na kokangama na eloko nyonso oyo ezali malamu.
Na makasi na biso ya kofandisa bomoi na biso elongo na Mobikisi, tokoki kobulungana etali nini elakisi kokoma ya kokoka kati na Klisto mpe kibobongi nie. Bandeko, bokoki kokabola likanisi etali yango?
Ndeko mwasi Rosana Soares: Iyo. Nalingi kobandendela koloba oyo Mpaka Vern Stanfill ya Bantuku Nsambo ateyaki na ntina ya likambo oyo. Alobaki ete esengeli tomikundola ete kibobongi nie ezali eloko moko te na kozala ya kokoka kati na Klisto. Kibobongi nie esengaka komityela mibeko oyo ekoki kosalema te, oyo tomipesaka bisomei, oyo ekokokanisa biso na basusu. Yango ememaka komiyoka na ngambo, bobangi, mpe ekoki kontinda biso to mibenda mpe totikala biso moko.
Kokoma ya kokoka na Klisto ezali likambo mosusu. Yango ezali mosala moko—ekambami na bolingo nyonso na nzela ya Molimo Mosantu—ya kokomaka mingi koleka lokola Mobikisi. Mibeko etyamaki na Tata ya Lola ya boboto mpe oyo ayebi nyonso mpe elimbolami polele na mayokani tobengisami mpo na koyamba. Ntango tondimi mbela ya Mobikisi ya koya epai na Ye, tososolaka na mbala moko ete ya biso koleka ekoki mpe ete ngolu ya Mobikisi moko ya bolingo ekotondisa bokeseni na balolenge moko tokoki kokanisa te.
Mpaka Soares: baninga na ngai, komipesaka na ndakisa oyo na bozangi motuna, likambo oyo esalemaka mokemoke, bomoi mobimba mpe esengaka mingi koleka kondima mpamba. Kasi lokola tozali koyamba yango, tokokutana na esengo, kimya, mpe bokoli ya molimo, mpe bizaleli ya Mobikisi ekoki kokoma eteni ya bomoto na biso, mpe elilingi na Ye ekoki kokomama na bilongi na biso.
Namoni mpenza lolenge nini kotya bomoi na biso epayi na Mobikisi ememaka makasi ya kolonga mikakatano, bolembu, mpe mpasi ya bomoi, oyo ezali makasi koleka mpo na komema yango kozangaka lisungi mpe nguya na Ye ya kobikisa. Nazali na moninga moko oyo azali sikawa kokutana na maladi moko makasi, mpe elikya ezali malamu te. Moninga oyo abulungani na likambo oyo te. Mposa na ye ezali kaka ya koyeba soki azali mpiko mpe makasi na litatoli na ye ya Mobikisi Yesu Klisto na bomoi na ye. Ezali polele na ngai ete moninga oyo atie bomoi na ye na Mobikisi mpe ayoki maboko na Ye etandami koyambaka ye, mingimingi na ntango oyo ya mpasi.
Mokambi Nelson ateyaki: “Yango [esengaka] bokasi ya motema moko [mpe] ya ntango nyonso mpo na kokokisa bomoi na biso ya mokolo na mokolo na maloba [ya Mobikisi], mateya na Ye, [mpe] Bosolo na Ye.” Eloko moko te ebengisaka Molimo koleka kotya miso na biso na Yesu Klisto.
Baninga na ngai balingami, nakanisi ete tozali kokende na nsuka ya lisolo na biso kitoko elongo. Yambo napesa maloba na ngai ya nsuka, nalingi nabenga Ndeko Mobali Webb na mwasi na ye mpe nsima mwasi na ngai ya bolingo bakabola matatoli na bango. Okoki kosala yango? Melesi.
Ndeko mwasi Kristi Webb: Bandeko, nalingi Mobikisi na biso, Yesu Klisto. Kososola bolingo ebonga nie na Ye mpo na ngai ebongolaki bomoi na ngai. Ye abongolaki ngai. Natatoli ete Azali na bomoi. Natatoli ete Alingi moko na moko na biso. Natatoli ete Apesaki bomoi na Ye mpo na kosikola biso. Ndakisa na Ye ya bomikitisi, botosi, mpe bolingo efulaka ngai mokolo nyonso. Atangisaka ngai lolenge nini kondimela mpe kosalela Tata na ngai ya Lola. Azali pole na ngai, makasi na ngai, mpe elikya na ngai. Na nkombo ya Yesu Klisto, amene.
Ndeko mobali Chad H Webb: Ezali libaku malamu mpo na biso ya kozala na bino mpokwa ya lelo elongo na Mpaka Soares mpe mwasi na ye. Nalingi nabakisa litatoli na ngai na libiangi ya Mpaka Soares lokola Apostolo ya Nkolo Yesu Klisto. Nayebi lisusu ete Mokambi Nelson azali profeta ya Nkolo na mabele lelo. Nabakisi lisusu litatoli na ngai ete Tata na Lola alingi bino. Azali na mwango ebonga nie ya esengo mpo na kobikisa mpe konetola bana na Ye. Yesu Klisto nde moto azali katikati ya mwango oyo ebonga nie mpe azali Mobikisi mpe Mosikoli ya mokili. Azali ndakisa malamu na biso. Azali Klisto ya bomoi. Azali Nzambe oyo abikisaka. Tokoki kondimela ye na motema na biso mobimba. Nazali na botondi kozala mondimi ya Eklezia na Ye mpe mpo na mapamboli nyonso oyo tozwaka na nzela ya nsango malamu na Ye ezongisama. Na nkombo ya Yesu Klisto, amene.
Ndeko mwasi Rosanna Soares: Baninga na ngai, nazali na botondi mingi mpo na Nzambe oyo atyaka likebi na makombo mikemike ya bomoi na biso. Ayebi nini tozali na yango mposa, mpe Azali na biyano na mituna na biso. Nyonso tosengeli kosala ezali kosenga! Ntango tozali kolakisa motema molai, botondi, mpe bondimi na biso epayi na Ye na nzela ya libondeli ya solo, Azali kaka wana, pene ya kosalisa biso. Akosundola biso ata moke te. Ata soki tozali komona ye te, Azali ntango nyonso wana.
Mpe oyo ezali kopesa ngai elikya makasi koleka ezali koyeba ete tozali na Mobikisi oyo azali kokamba Eklezia na Ye awa na mabele na nzela ya Mokambi Nelson mpe baprofeta na Ye, bamoni, mpe babimisi. Na nkombo ya Mobikisi na biso Yesu Klisto, amene.