Baj Juon Wōt Tāākji
Rijeje eo ej jokwe ilo North Carolina, USA.
“Jipan̄ kōm pukōt juon tāākji bwe kōm maron̄ tōpar m̧ōn jar eo rainin,” leddik ro raar ikkure.
“Aolep iien ewōr juon aō en̄jake em̧ōņōņō n̄e ij etal n̄an m̧ōn jar eo” (Children’s Songbook, 157).
Bwebwenato in ej bōk jikin ilo Cantabria, Spain.
“Ewi wāween ad etal tōparļo̧k m̧ōņ jar eo rainin?” Leddik eo jatin Ellis, Peppe, ekar kajjitōk. “Ekanooj in ļap wōt!”
“Jab inepata,” Ellie ekar ba. “Jeperan!”
Ellie ekar jipan̄ Peppa batini koot eo an. Innām liin ekar kōņak juuj in wōt ko an make.
Ellie im Peppa raar wanam̧ōjļo̧k ippān M̧am̧a im Baba. Ekar kanooj in lukkuun wōt jān m̧okta. Kōto eo ekar ukōt am̧bidele eo aer lowa n̄an itulik. Ellie ekar bwe an jab kar en̄jake peran.
“Ta eo jenaaj kōm̧m̧ane?” Ellie ekar kajjitōk. Ekar kanooj ekōtoto n̄an etal n̄an baj eo.
“Jenaaj bōk juon tāākji,” Baba ekar ba.
“Juon ļōmņak em̧m̧an,” M̧am̧a ekar ba. “Je,moot!”
Raar etal laļļo̧k ilo iaļ eo eppej. Ejjeļok tāākji ak waan ettōr ko raar ettōrļo̧k jān er. Em̧ool jekdo̧o̧n panaderia (m̧ōn pilawe) ekar kilōk.
Āliktata raar lo juon eria me tāākji ko rej baak ie n̄an ektak armej. Ak tāākji eo im̧aan tata ekar ejjeļo̧k kobban.
“O jaab!” Peppa ekar ba.
“Esta bien. EM̧M̧AN WŌT,” Ellie ekar ba. “Emaron̄ wōr juon. Kōmij jan̄in de maron̄ loe.”
Rekar etetal kepaakļo̧k. Jikin baak eo kein karuo ekar bar ejjeļo̧k kobban.
“Kiiō ta?” Peppa ekar kajjitōk.
“Ijeļā,” Ellie ekar ba. “Jen jar.”
Leddik ro raar unoojdikdiki juon jar. Nuestro Padre Celestial, jouj im jijpan̄ kōm lo baj juon tāākji bwe kōm maron̄ tōparļo̧k m̧ōn jar eo rainin. Kōmij kajjieon̄ in kāālet jim̧we eo, im wōt in ekapene. En el nombre de Jesucristo, amen.” Ellie ekar ekkatak wōt kajin Jipānej, kōn menin ekar kōkārereik ipppān kajin Pālle im Kajin Jipānje jim̧or.
Rekar bar wōnm̧aanļo̧k jidik. Jikin baak eo tok juon ekar barāinwōt ejjeļo̧k kobban.
“Bōlen jej aikuj oktak likļo̧k im ro̧o̧l n̄an m̧weo,” Papi ekar lam̧ōj ilo kōto eo.
“Etutu need!” M̧am̧a ekar ba.
“Jen bar wōnm̧aanļo̧k bar jidk,” Ellie ekar ba. “Jej aikuj wot juon tāākji.”
Kiiō remaron̄ lo jikin baak eo āliktata.
Ijo, kōn tōm̧a maroro ko an rej ebbōl, ekar juon tāākji!
Ellie im Peppa raar iuweļo̧k n̄an tāākji eo. M̧am̧i ekar jipan̄ er kōkōm̧anm̧an bōraer. “Joļo̧k am bōd bwe emōj am katutuik jea ko am̧,” Papi ekar ba n̄an rikattōr eo.
Raar tōkākļo̧k ilo m̧ōn jar eo im kar iak iakwe ro m̧ōttaer kōn besoso im abrazos (mejān ma ko im atbakoj ko).
“Ijjab tōmak jekar lo juon tāākji,” M̧am̧a ekar ba. “Quesuerte!”
“Ekar jab jide,” Ellie ekar ba. “Peppa im n̄a kar jar bwe Jemādwōj Ilan̄ en kar jipan̄ kōj tōparļo̧k m̧ōn jar eo. Im E ekar ron̄jake!” ●
Meļeļe ko jān Patricia Geis