Jorrāān in Bade
Rijeje eo ej jokwe ilo Corrientes, Argentina.
M̧ōttan in Luz ekar kōņaan etal n̄an bade eo. Bōtaab liin eļakkar wōt en̄jake inepata.
“Ekkatak kake ilo ļōmņak eo am; innām … kajjitōk Ippa eļan̄n̄e e jim̧we.” (Katak im Bujen Ko 9:8).Bwebwenato in ej bōk jikin ilo Corrientes, Argentina.
Luz ekar en̄jake m̧ōņōņō. Iiō in jikuuļ eo ekar tōn jem̧lo̧k, im ekanooj lōn̄ men ko rekalimomo raar waļo̧k. Ejjab to liin enaaj kar kadiwōjļo̧k jān jiljino kūlaaj. Iiō eo tok juon, liin enkar pād ilo secondary jikuuļ!
Ekar kabwilōn̄ liin kōn ewi jon̄an kar eddōkļo̧k. Liin ekar aitok, im liin ekar jako an juon ajri edik. Oktak ko raar kaitoktok limo, bōtaab liin ekar barāinwōt en̄jake jidik ikūm̧kūm.
Liin ekar jokāālet n̄an kōnono kake ippān ro jinen im jemān.
“Ej juon tōre aiboojoj ilo mour eo am̧, Luz,” Baba ekar ba. “Ej juon tōre n̄an am̧ ekkatak, kōm̧m̧ane ijo em̧m̧an tata ippam̧, im tōpar kōttōpar ko me renaaj jipan̄ eok erom armej eo Anij ejeļā komaron̄ in.”
“Ak mour ej itok ilo juon alen juon raan,” M̧am̧a ekar ba. “Kwonaaj eddōkļo̧k im erom armej jab eo kōn kajjojo kāālet reddik, em̧m̧an kwoj kōm̧m̧ani.”
Menin ekar jipan̄ Luz em̧m̧anļo̧k an mour. Liin ekar m̧ōņōņō bwe ekar jab aikuj in eddōkļo̧k ilo juon wōt iien.
Juon raan ilo jikuuļ, ro m̧ōttan Luz raar jiron̄ e renaaj kōm̧m̧ane juon badre in kadiwōjļo̧k Raar kanooj in lo̧udin̄din̄. Enaaj kar wōr kōjota, kōjan̄jan̄, tōm̧ak ko, im em̧ool eeb!
Bōtaab ke Luz ekar ron̄jake ro m̧ōttan aer kōnono kōn bade eo, liin ekar jino an jab aenōm̧m̧an an en̄jake. Ekar āinwōt jab juon kain bade eo me liin ekar jab maron̄ en̄jake Jetōb Kwojarjar eoo.
“Kwonaaj etale, ejim̧we ke, Luz?” juon ian ro m̧ottan ekar kajjitōk.
“Kwoj aikuj in itok!” bar juon m̧ōttan ekar ba. “Inaaj jiron̄ ro jinō im jema n̄an kōnono n̄an ro jinōm̧ im jemam̧. Innām renaaj kōtļo̧k am̧ itok.”
“Bōlen”. Lo̧jien Luz ekar kōm̧m̧an ainikien. “I … Inaaj karon̄ eok.”
Luz ekar ļōmņak kōn bade eo ilo aolepān wiikān eo. Liin ekar ļōmņak kake ilo an kar kaminene piano. Lin ekar ļōmņak kake ilo an kar ikkure ippān nin̄nin̄ eo ļaddik eo jatin. Jekdo̧o̧n ta eo liin ekar kōm̧m̧ane, ekar pād ilo ļōmņak eo an.
M̧ōttan an ekar kōņaan in etal n̄an bade eo. Bōtaab liin eļakkar wōt en̄jake inepata. En̄jake in ikūm̧kūm̧ eo ilo lo̧jien ekar kab jako.
“Em̧m̧an am̧ pād hija?” M̧am̧a ekar kajjitōk ilo raelepān Jabōt. Ekar kuum̧i kōn jāntin pein bar eo aitok, kilmej an Luz.
“Ekwe …,” Luz ekar ba.
“Kokaab de ļōmņak kōn bade eo ke?”
“Ijjab jeļā eo n̄an kōm̧m̧ane”, Luz ekar ba. “Ikōņaan etal. Bōtaab ijeļā eban em̧m̧an aō en̄jake ijōņ.”
M̧am̧a elar ettōn̄. “Ijeļā kwonaaj kōm̧m̧ane juon kāālet em̧m̧an,” liin ekar ba. “Ļōmņak kake, kōm̧m̧ane kāālet eo am̧, im jiron̄ Jemādwōn̄ Ilan̄ ta eo kwar jokāālete. E enaaj jipan̄ eok jeļā eļan̄n̄e ejim̧we. Kwonaaj en̄jake ilo būruōm̧.
Luz ekar em̧ajidjid. Liin ekar bōk kūtuwōn im etal n̄an ruum̧ eo an n̄an jar.
“Jemāmwōj Ilan̄,” Luz ekar unoojdikdik. “Ro m̧ōtta raar kūrļo̧k eō n̄an juon bade, bōtaab ejjab em̧m̧an aō en̄jake kake. Inaaj tōn jrion̄ er bwe ijjab maron̄ etal. Ej ke juon men ejim̧we n̄an kōm̧m̧ane?”
Juon en̄jake ekajoor emeņeņ ekar itok ioon Luz. Liin ekar jab en̄jake tarpok n̄an jidik. Liin ekar en̄jake āinwōt liin ekar obrak kōn meram. Liin ekar jeļā ekar kōm̧m̧ane jim̧weo em̧oo.
Ke Luz ekar diwōjļo̧k jān ruum̧ eo an, liin ekar leļo̧k n̄an jinen juon pāāk kileplep.
“Iakr jokāālet n̄an jab etal” Luz ekar jiron̄ jiio.
“Eutiej būruō kōn kwe,” Jinen eka ba.
Baba ekar leļo̧k n̄an Luz juon atbakwōj “Ewōr juon aō ļōmņak,” ekar ba. “Jen kōm̧m̧ane juon ad make bade in kadiwōjļo̧k. Jemaron̄ m̧ōn̄ā icebream im m̧ōņōņō āinwōt juon baam̧le!”
Luz ekar ettōn̄ dikdik. Liin elikkuun iakwe ice cram. Im liin ekar iakwe ilo an jeļā bwe emaron̄ kōm̧m̧an jim̧we, jekdo̧o̧ņ n̄en ej pen. Ippāņ aolep kāālet ko reddik, em̧m̧an ekar kōm̧m̧ani, liin emaron̄ in kar eddōkļok n̄an armej eo Anij ekar jeļā liin enaaj kar erom. ●
Meļeļe ko jān Tammie Lyon