Pein Jipan̄ ko ipeļaakin Laļ in
Jeļā Kajjien Stella jān Ghana
Jeļā Kajjien ajri in Būraimere ro rej jipan̄ ro jet, āinwōt Jisōs ekar!
Men otemjej kōn Stella
Dettan 11
Jān: Ghana
Kajin ko Pālle im Twi
Baam̧le: Jinen, Jemān, im eo jatin, Yaw
Kōttōbar ko im ettōņak ko: 1) Jerbale juon mijen, āinwōt jinen. 2) M̧are ilo tampeļ. 3) Erom juon rikōm̧m̧an nuknuk.
Stella ej riiti jeje ko rekwojarjar ippān ļeo jatin.
Pein Jipan̄ ko an Stella
Eitin aolep raan, komaron̄ loe Stella im baam̧le eo an rej loļo̧k lio m̧weo im̧ōn ej apaatmen eo aer. Ejjab nukier liin, bōtaab Stella im ļeo jatin rej ān̄inn̄i “Būbū Cecilia.” Stella ej ba, “Liin ej 83 iiō dettan, im liin ejjeļo̧k nejin ajri make.” Stella im baam̧le eo an raar kile liin ekar aikuj jipan̄ im kar kāālet n̄an “kaajiriri” e.
Iien otemjej Stella ej leļo̧k pein jipan̄ kōn būruum̧ im m̧aabe būļoor eo an Būbū Cecilia. Ilo an juon em̧ erreo ej juon wāween aorōk n̄an pād wōt ilo ājmour. Kōn menin Stella ej kōm̧m̧ane juon men me elukkuun jipan̄ būbū Cecilia. “Jisōs Kraist ekar jerbal n̄an ro jet,” Stella ej ba, “kōn menin men jab in ekar im̧we eō n̄an jerbal n̄an e. Ijeļā bwe Jisōs Kraist im Jemān rej m̧ōņōņō n̄e ij jerbal.” ●
Men ko rem̧m̧an tata ippān Stella
Jikin: Accra Ghana Tampeļ (“Ej āinwot lan̄ ioon laļ.”)
Bwebwenato eo kōn Jisōs: “Ke Ekar naajdik jarlepju eo kōn ruo ek im ļalem ļoob in pilawe ko.”
Al in Būraimere ko: “Called to Serve” (Kūr n̄an jerbal) im “A Child’s Prayer” (Juon Jar an Ajri (“Rej letok n̄an eō kajoor n̄an iakwe im jerbal”)
Mōn̄ā: fufu (binana im cassava) ippān juub im kanniōk in koot
Kōļar: iaļo
Unin Ekkatak eo ilo jikuul: jin̄a
Meļeļe ko jān Paula Pang