Juon Ettōņak n̄an Dieter
Kar ukukōte jān Elder Dieter F. Uchtdorf, “Call for Heroes!” (BYU-Pathway Worldwide devotional, Jul. 14, 2020, byupathway.org/devotionals).
Ke ekar juon ļaddik, Elder Dieter F. Uchtdorf ekar em̧m̧an ippān alooj baļuun ko. Ekar pijaikļo̧k an kelōk kōn juon iaan baļuun ko reļļap.
Juon raan, ikōņaan juon pilot.
Bōtaab baam̧le eo an Dieter ekar jab ļap aer jāān. Rekar riatajinemjen im kar aikuj in em̧m̧akūt jān kapijuknen eo aer ruo alen n̄an etal n̄an juon laļ kāāl.
Ke ajri ro raar ikkure, Dieter ekar jerbal āinwōt juon ribbōkto bōktak m̧weiūk n̄an jipan̄ baam̧le eo an.
Jet iien ekar en̄jake āinwōt ettōņak eo an ekar pen!
Bōtaab ke ekar rūttoļo̧k, Dieter ekar buuļ jerbal n̄an tōpar ettōņak ko an. Ekar wōr an tōmnak bwe Jemedwōj Ilan̄ enaaj kar jipan̄ e.
Ekar deļo̧n̄e air force im kar kaminene n̄an erom juon rikōkāke em̧m̧an tata emaron̄ in kar erom.
Āliktata ekar tōpar ettōņak eo an. Ekar kelōk kōn baļuun killep ko ium̧win elōn̄ iiō ko!
Bōlen komaron̄ ļōmņak eļan̄n̄e ettōņak ko am̧ rej pidodo barāinwōt.
Emaron̄ in jab pidodo, bōtaab kwoj maron̄ kōm̧m̧ani.
Kom̧ maron̄ jelm̧ae apan̄ ko, bōtaab rej maron̄ kōm̧m̧an am̧ kajoorļo̧k. Anij ej pād ippāmi ilo aolep bun̄tōn̄ ko!
“Buuļ jerbal. En wōr ami tōmak. En wōr ami kōjatdikdik. Lōke Anij. Eļan̄n̄e kom̧ij kōm̧m̧ane ijo kuņami, men ko renaaj jetjet.”
Kōmeļeļe jān Cam Kendell