Bwebwenato ko an Jeje Ko Rekwojarjar

Naan in Mālōtlōt

Josep Smith ekar kōm̧m̧ane kweilo̧k ko n̄an katakin armej ro kōn gospel eo. Jet iien em̧m̧aan ro rekar kōbaatat im meme tōbako.

Menin ekar kaeinepataik Emma Smith. Kōbaatat im tōbako ekar kōm̧m̧ane juon jorrāān eļap, im jet iien ekar jab em̧m̧an en̄jake kake. Emma im Josep raar ļōmņak ekōjkan an Anij kar en̄jake kake.

Josep ekar jar, im Irooj ekar uwaake. Irooj ekar kakkōl ro uwaan Kabun̄ in kōn kōbaatat im tōbako. Ekar ba rejjab em̧m̧an n̄an ānbwin ko ad. Ekar barāinwōt kakkōl er kōn idaak ti, ko̧be, ak dān in karōk.

Anij ekar ba n̄an m̧ōn̄ā leen wōjke ko, pijitebōļ ko, im m̧ōn̄ā ko rej rāājmour. Jej ņa etan katakin kein Naan in Mālōtlōt.

Imaron̄ mour kōn Naan in Mālōtlōt. Jemedwōj Ilan̄ enaaj kōjeraam̧m̧an n̄a ilo aō kōjparok ānbwinū.

◆ Lale Itok, Ļoor Eō n̄an Katak im Bujen Ko 89–92.

Kōmeļeļe ko jān Apryl Stott