Iiō Kāāl eo an Winfred
“Kōm ar mour ilo juon wāween elem̧ōņōņō” (2 Nipai 5:27).
Ta eo Winfred emaron̄ kar likūt ilo iiō eo an?
Winfred ekar jipan̄ Jajja (Jibūn) kōm̧m̧an kōjota.
“Mmm, I iakwe matoke,” Jajja ekar ba.
“Bar n̄a,” Winfred ekar ba. “Ej juon iaan iien m̧ōn̄ā ko rem̧m̧an tata ippa! Ij kōņaan pinana maroro. Im peppa ko im tōm̧ato ko. Bōtaab m̧ōttan eo em̧m̧an tata ej sauce eo.”
“Ej bwe kōnke sauce eo ej kobaik in aolep kōnāmnām ko ilo juon wōt,” Jajja ekar ba.
Relakkar de m̧wijm̧wij pijetebōļ ko. Innām Winfred ekar bōk kūtuwōn.
“Jajja,” liin ekar ba, “ekōjkan am̧ pād wōt ilo lukkuun m̧ōņōņō aolep iien?”
“Ij kajjieon̄ in,” Jajja ekar ba. “Bōtaab ijjab m̧ōņōņō aolep iien. Būrom̧ōj ej juon m̧ōttan mour. Kwoj ke būrom̧ōj kiiō?”
Winfred ekar em̧ajidjid. “Ij on̄ kōn Taata (Baba), kōnke ej jerbal ettoļo̧k. Im ij on̄ kōn jikuuļ, kōnke jejjab maron̄ etal n̄an e kiiō. Im ij on̄ kōn ro m̧ōtta jān m̧ōn jar eo.”
“Ej em̧m̧an n̄an en̄jake būrom̧ōj kōn men kein,” Jajja ekar ba. Mour ejjab aolep iien pidodo. Bōtaab n̄e ij būrom̧ōj, ij kajjieon̄ ļoor iiōk eo aō n̄an m̧ōņōņō.”
“Iiōk eo am̧?”
“Ejja āinwōt an wōr juon aō iiōk n̄an matoke, ewōr juon aō iiōk n̄an m̧ōņōņō. Jet iien būrom̧ōj ekanooj in ļap n̄an an ilo̧k iien eo wōt.” Bōtaab emakijkij aō lo bwe iiōk eo aō ej ta eo ij aikuji n̄an en̄jake em̧m̧anļo̧k.”
“Ta iiōk eo am̧?”
Jajja ekar ettōn̄ dikdik. “Etke kwojjab loe eļan̄n̄e kwoj maron̄ pukōt juon iiōk n̄an kwe make? Innām komaron̄ jiron̄tok eō kake.”
Bon̄ōn jab eo ke Winfred ekar jar, liin ekar jeļā bwe Jemedwōj Ilan̄ ekar ron̄jake. Liin ekar kile bwe jar ekar kōm̧m̧an bwe en m̧ōņōņō! Liin ekar bōk juon m̧ōttan peba im kar je, Iiōk eo an Winfred n̄an M̧ōņōņō. 1 Jar. Innām liin ekar etal n̄an kiki.
Jibbon̄ōn eo tok juon liin ekar riiti Bok in Mormon. Riiti jeje ko rekwojarjar ekar kōm̧m̧an an m̧ōņōņō barāinwōt. Liin ekar lo peba eo an im kar je, 2. Riiti jeje ko rekwojarjar. Innām liin ekar lale jeje ko rekwojarjar ekar kōpeļļo̧ke n̄an riiti: “Tōmak ilo Kraist” (2 Nipai 33:10).
Winfred ekar kobaitok bar juon kein kakeememej: 3. En wōr tōmak ilo Jisōs Kraist.
Winfred ekar ļōmņak kōn ekōjkan an em̧m̧an in an Jajja kar kōtļo̧k bwe en loļo̧k. Winfred ekar lo Jajja im kar ba, “Kom̧m̧ool kōn am̧ kōtļo̧k bwe in pād ippam̧.”
Ba kom̧m̧ool ekar kōm̧m̧an an Winfred en̄jake em̧m̧an. Liin ekar je ilo peba eo an bar juon alen. 4 Kwon kam̧m̧oolol.
Innām Winfred ekar kajjitōk ippān ro rūturin eļan̄n̄e ajri ro reddikļo̧k remaron̄ itok im ikkure. Liin ekar bōktok leddik eo edik jatin, Milfred, im ļaddik eo jatin edik, Alfred. Ke ekar dedeļo̧k aer ikkure, liin ekar karuwaineneik ajri ro n̄an riit ippān. Jajja ekar kajidikdik watermalon eo n̄an aolep n̄an kōjjebar ippān doon.
Tokālik Winfred ekar ilo̧k n̄an loļo̧k eo m̧ōttan ekar ņa etan Happy. Ippān doon, raar kwaļkoļ kōnno ko n̄an m̧ōņōņō eo an m̧am̧a. Innām raar pook būļoor eo. Ekar kalimomo n̄an jipan̄!
Ke jota ekar itok, Winfred ekar jipan̄ ajri ro jatin kōn katak ko aer ilo m̧weo an jikuuļ. Liin ekar ekkatak aļbapet ippān Milfred. Liin ekar jipan̄ Alfred kōn bōnbōn eo an.
Bon̄ōn eo, Winfred ekar bar ekōnono ippān Jajja.
“Em̧m̧anļok aō en̄jake rainin! Ij ļōmņak ikar lo iiōk eo aō n̄an m̧ōņōņō.”
“Em̧m̧anl! Jiron̄ eō,” Jajja ekar ba.
“Iiōk eo n̄an M̧ōņōņō an Winfred,” liin ekar riit. “1. Jar: 2 Riiti jeje ko rekwojarjar. 3 Wōr tōmak ilo Jisōs Kraist. 4 Kwon kam̧m̧oolol.”
“Ej juon iiōk ekabwilōn̄lōn̄,” Jajja ekar ba. “Bōtaab ij ļōmņak komeļo̧kļo̧k juon men. Kar bar ta eo ekar kam̧ōņōņōik eok rainin?”
Winfred ekar ļōmņak ium̧win juon minit. “Ekwe, ikar limo ikkure ippān ajri ro reddik. Im jipan̄ Kam̧ōņōņō im jinen. Im ekkatak ippān Milfred im Alfred. Kōttart … em̧ōj ke! Jipan̄ ro jet ej juon iiōk aitok kitien.”
“Ejim̧we,” Jajja ekar ba. “Jerbal n̄an ro jet ej āinwōt sauce—ej kobaik in aolep men ko jet rem̧m̧an n̄an juon wōt.”
“Ej juon iiōk em̧m̧an.” Winfred ekar ūjō. “Ikōņaan kajjieon̄e bar juon alen ilju.”
Bwebwenato in ej bōk jikin ilo Kampala, Uganda
Kōmeļeļe ko jān Hollie Hibbert