Veivukei me Vakataki Jisu
E Veivuke o Jisu ena Vuqa na Sala
O Jisu a vakayagataka na Nona bula me qarava ka vakavulici ira na tamata. Ni se cauravou lailai o Jisu, a vukei tamana ena cakacaka matai eso. E dua vei ira na imatai ni Nona cakamana a vukei tinana ena gauna sa maca kina na waini ena dua na vakamau. Ni raica e dua e mataboko o Koya, a vakabulai koya. A vukei ira na gone me ra vakila ni ra lomani ka okati. Eda na sega beka ni cakava na cakamana vata ga a cakava o Jisu, ia sa rawa meda muria na ivakaraitaki i Jisu ena noda vakasaqara na sala meda veivuke ena sala vinaka duadua eda rawata.
Au taleitaka na veivuke e valenikuro meu caka isaluwaki. Au taleitaki ira na manumanu, oqori na vuna au taleitaka kina meu vukei tukaqu ena vakani ira. Oqori na sala au veivuke kina!
Elierys R., yabaki 9, Puerto Rico
Droini mai vei Simon Dewey