iTalanoa mai na iVolanikalou
Na Valetabu e Kirtland
A kaya na Kalou vei Josefa Simici me tara e dua na valetabu. Ena yaco me dua na vale ni Kalou.
Era a cakacaka vata na Yalododonu me ra veivuke ena kena tara na valetabu. Era tara na tamata na lalaga balavu. Era cakava na marama na ilatilati kei na ibe vavaku. Era veivuke na gone ena kau mai ni iyaya ni cakacaka kei na wai vei ira na tamata cakacaka.
Ni sa oti na valetabu, era sa curu yani na Yalododonu. Era a lagata e dua na serenilotu ka kailavaka “Osana!” A masu o Josefa me vakatabuya (vakalougatataka) na valetabu.
Ni oti e dua na macawa, a sikovi Josefa Simici kei Oliva Kaudari o Jisu Karisito ena valetabu. A kaya o Jisu ni sa vakadonuya na valetabu me Nona vale.
Nikua sa tu na valetabu e vuravura taucoko! Na valetabu yadua sa dua na vanua tabu. Dua na siga au na curu ki loma ka yalayala vua na Kalou.
Droinitaka o Apryl Stott