Mai na Mataveiliutaki Taumada
Lagasere vei Jisu
Kau mai na “Worship through Music,” Ensign, Nove. 1994, 9–12.
Na laga serenilotu kei na sere ni Lalai sa sala meda vakaraitaka kina noda lomani Jisu. Sa vakarautaka o Koya vei keda e dua na ivakaraitaki. Ni sa vakarau cava na iOtioti ni Kana Vata, era a lagasere vata o Jisu kei ira na Nona iApositolo (raica na Maciu 26:30).
Na lagasere e rawa ni:
-
Vakaraitaka na noda lomani Jisu.
-
E kauta mai na Yalo Tabu.
-
Vakarautaki keda meda vulica na kosipeli.
-
Solia vei keda na kaukauwa vakayalo.
Ni o lagasere, vakasamataka na ka e tukuna tiko na qaqana. Ni ko sa temaki mo digidigi cala, tovolea mo vagugutaka e dua na sere ni Lalai. Ni o lagasere, o na vakila ni o voleka cake vua na Tamada Vakalomalagi kei Jisu Karisito.
Vakacegui vei Karisito
Ena dua na bogi ni ratou a vodo ena dua na waqa o Jisu kei iratou na Nona tisaipeli, a yaco e dua na cava levu. E ra sa rere na tisaipeli. Eratou a vakayadrati Jisu ka kerea na Nona veivuke. “A sa tucake ko [Jisu], ka vunauca na cagi, a sa kaya ki na wasawasa, Mo cegu, mo maravu mai. A sa ruru na cagi, a sa maravu levu mai” (Marika 4:39).
Rokataka na iyaloyalo. Qai vola eso na nomu sere taleitaki baleti Jisu. Ni ko galili se rere, lagata e dua na sere mo vakila kina na loma vinaka kei na vakacegu.
Droini mai vei Jared Beckstrand