Kūrijm̧ōj ilo Mali
Rijeje eo ej jokwe ilo Texas, USA.
Judith ear jab maron̄ kōttar n̄an kamņōņōik ļōtak eo an Jisōs ippān branch eo an.
“Enjeļ ro rekar ron̄ al ko rem̧m̧an jān ijo ilan̄ Angels ioon melaaj ko” (Hymns, no. 203).
Ekar juon raan in Kūrijm̧ōj. Judit ekar al kin ainikien al edik eo ilo an kar etal n̄an m̧ōn jar eo. E im ro jein im jatin rekar etal n̄an Kūrijm̧ōj parde eo an branch eo aer.
Sister eo an, Ester, ekar ettōn̄ dikdik. “Is that ‘Angels We Have Heard on High?’”
“Aaet! Em̧m̧an tata iba! Ij tōmak jej al kake rainin! Judith ekar lukkuun ettōn̄ dikdik.
“Elukkuun em̧m̧an ippa al ne!” Désiré, bratōr eo an, ekar kakobaba. Ekar buul lam̧ōj im al, “Gl-o-o-o-ria!”
Rekar aolep ettōn̄. Judith ear jab maron̄ kōttar n̄an kalimo raan eo ippān branch eo aer. Ejjab aolep armej ilo Mali rej kakeememej Kūrijm̧ōj. Ilo m̧ōttan eo ilo Africa, elōn̄ armej rekar jab jeļā kōn Jisōs. N̄an er, Kūrijm̧ōj ekar juon raan einwōt raan ko jet.
Kepoon in iaļ ko robrak kōn armej. Vendor ko rar wia kake tōm̧a melon ko re maroro. Armej ro redik im rūtto rej ebbōk pijja in aibōj ko ioon bōraer. Juon ļaddik jidikdik ear tōl donkey eo kaņōk juon diaka. Judith ekar kalimjōk lōn̄ļo̧k tawōr aitoktok eo, tawōr aidik an ri muslim (mosque). Ekar juon em̧ aibojooj ijo elōn̄ iaan armej ro rej jokwe turūier me rimuslim rej kabun̄ jar.
Judith, Esther, im Désiré kar kijon̄ etal n̄an im̧ōn jar eo an Papa. Bōtaab jam̧m̧ar eo ļo̧k, rekar oktakļo̧k n̄an Kabun̄ eo an Jisōs Kraist im Armej ro Rekwojarjar ilo Raan Ko Āliktata. Kiiō jilu iaer rekar etetal laļļo̧k n̄an mōn jar eo ippān doon aolep wiik. Judith ekar em̧m̧an ippān ekkatak kōn Jisōs ilo Būraimere.
Āliktata raar pād ilo bade eo. Elōn̄ iaan baam̧le ko ilo branch eo rekar ped ijeņ kadede. Juon projector ekar kwaļo̧k pijaan Kūrijm̧ōj eo ilo dipin wall eo an chapel eo. Judith ekar alooje an Josep tōl Meri n̄an Bethlehem ioon juon kidu donkey. Boub, iaļ būn̄aļn̄aļ ekar kakeememej e kōn Mali!
Ālkin kar bitio eo jemļo̧k, juon taxi ej bōjrak tok. Sister Valerie, būreejtōn eo an doulul eo an kōrā, ekar diwōj.
“Ikar ebōktok m̧ōn̄ā!” kōrā eo ekar ikkūr.
Aolep rekar jipan̄ bōktok m̧ōn̄ā n̄an balcony eo. Ekar juon kōjota kileplep! Piteto salad, carrot ko, green bean ko, iaļo rice, bao bōrae … rekar aolep lukkuun enno!
“Kom̧m̧ol tata, Sister Valerie!” Judith ekar ba.
Innem ajri ro diktata ro rekar kajjojo wōr nejier bool, tole, ak wa kein ikkure. Rekar jabwe menin leļo̧k ko n̄an Judith n̄an bōk juon, ak ekar jab inepata. Ekar em̧m̧an ippān loe an ajri jiddik ro ettōn̄ dikdik.
Bade eo ekar kōjjem̧ļo̧k kōn al. Judith ekar ettōn̄ dikdik ke rekar al “Angels We Have Heard on High.”
Aolepen branch eo rekar al ippān doon. Ear lukkun aibojooj. Jisōs m̧ooļ ekar ļōtak aolep iiō ko remootļo̧k! Judith ekar lukkun kam̧m̧olool bwe e, Désiré, im Esther rekar jeļā kōn E. Im ekar lukkun m̧ōņōņō n̄an kakememej ļōtak eo An.
Esther, Judith, im De̍sire̍ itum̧aan in m̧ōn jar eo aer.
Kōmeļeļe jān Steph Marshall