Juon Ennaan ilo Kweilo̧k eo jān Rikanaan eo
Pedped eo Ad Epen
Russell M. Nelson, “Tampeļ Eo im Pedped Eo Am Ilo Jetōb,” Liaona, Nob. 2021.
Salt Lake ekar ekkaļ elōn̄ļo̧k jān 100 iiō ko rem̧ootļo̧k. Paineer ro rekar kalōke kōn kein jerbal ko ilo tōre eo. Ekabwilōn̄lōn̄. Ak eļan̄n̄e jej lukkuun kalimjōk pedped eo, jemaron̄ loe bwe jet dōkā rem̧or bwe eto aer pād. Jemaron̄ bar lo kōta ko ikōtaan dōkā ko im jet iaan dōkā ko me rejjab pen.
Injinier ro, rijin̄a ro ak architects, im rikkaļ ro rekar kiiō jerbal n̄an kōm̧m̧ane bwe en kajoor ļo̧k pedped eo an tampeļ in. Ke ekar dedeļo̧k, tampeļ in enaaj lukkuun bwe an kajoor n̄an jelm̧ae m̧akūtkūt in laļ im kōto̧ ko rekajoor. Enaaj kajoor n̄an an dim ium̧win elōn̄ im lōn̄ iiō ko.
Jej aikuj kalōk pedped eo ilo mour ko ad ioon ejmaan an ad Rilo̧mo̧o̧r, Jisōs Kraist. Innām, n̄e m̧akūtkūt in laļ ko ilo mour in jetōb ej bōk jikin, jenaaj maron̄ jutak pen n̄an jelm̧ae.
Aolep men jej ekkatak ilo tampeļ ej jipan̄ kōj kōļapļo̧k ad meļeļe kōn Jisōs Kraist. N̄e pedped eo am̧ ilo jetōb ej ekkaļ pen ioon Jisōs Kraist, kwoban aikuj mijak. Naaj kōkajoor eok kōn kajoor eo An.
Jisōs Kraist ej Pedped eo Aō Epen
Tuanimiin̄: Pijaan Tampeļ eo jān Bailey Rees; Kar pijaiki Būreejtōn Nelson jān Church News; Tuanmo̧o̧n: Kōmeļeļe jān Bryan Beach