Men ko rekalimomo

Menmenbwij ko an Baam̧le eo Keidi Ippān Doon

Eva ej jān Russia. Eļap an em̧m̧an ippān kōm̧m̧ani m̧akūtkūt ko an menmenbwij ko an baam̧le! Ej kōm̧m̧an bitio ko n̄an jeere ak kajedede ļōmņak ko an ippān ro jet. En̄in ej juon iaan men ko kwomaron̄ kajjieon kōm̧m̧ane.

1. Jin̄n̄aiki ak būriini ruo pija in kajjojo uwaan baam̧le eo—juon ke rej idik im juon ke rej rūtto.

2. Kūluiki ak kōdepi pija ko ioon pepa ko remijel. Kainōknōk likin pepa eo. (Eva ekar kainōknōke pija ko an kōn uno den in jin̄n̄a ko!) Elkin m̧wijiti pija ko n̄an kōm̧m̧an kaat ko.

3. Kiiō ikkure kōn ikkure in kōmāājāj! Kapedoiki kaat ko. Jin̄n̄aiki ruo kaat. Eļan̄n̄e rej kwaļo̧k armej ro roktak jen doon, bar karooli. Eļan̄n̄e rej kwaļo̧k ejja armej eo wōt, dāpij kaat eo im bar bōk juon. Jete ko remāāj n̄an doon kwomaron̄ loi?

Ikkure in kaļōn̄ļōn̄ļo̧k!

Eva ekar bar kōm̧m̧ane juon an album kōn ro jibūn im jim̧m̧aan etto. Kwomaron̄ kōm̧m̧aneam̧ make! Je men ko kwojeļā kōn kajjojo armej. Innem jin̄n̄aiki ak kūļuiki pija ko n̄an lale n̄e rej einwōt juon.