Tūrāāp eo aō Jinointata n̄an Tampeļ

Iakwe! Eta in Elena. Ej kab kein kajuon aō etal n̄an tampeļ.

Jejjo wiik ko remootļo̧k, ikar bwebwenato ippān bisop eo aō. Ekar kajjitōk jet kajjitōk ko n̄an jipan̄ lale n̄e ikar pojak in etal n̄an tampeļ. (Kwomaron̄ riit kajjitōk ko ilo peij 22!) Innem ekar letok juon aō peba in mālim n̄an deļon̄e tampeļ.

girl packing bag for temple, brother tying tie

Jej kōppopo n̄an etal. Ikar ekkaņōk nuknuk in jar ko rem̧m̧antata. Ikar bar etteet jet men ko n̄an kōm̧m̧ane bōra ālkin an tutu. Im ikar lukkun lale bwe in bōk peba in eo aō n̄an deļon̄e tampeļ. Kiiō kōm̧ij etal n̄an iuwe ilo bus!

girl and brother riding bus to temple in Spain

En̄ ne ej tampeļ eo! Elukkun aibojooj.

Ke ij juurļo̧k lowaan tampeļ eo, ij en̄jake aeņōm̧m̧an. Ij kwaļo̧k peba in eo aō n̄an juon rijerbal ejouj ilo tampeļ eo ilo tebōl eoim̧aantata. Bar juon rijerbal an tampeļ ej letok n̄an eō juon nuknuk jumpsuit mouj. Ij etal n̄an jikin jenijnuknuk eo n̄an jenij.

girl in white, standing by baptismal font

Kiiō ij kōttar n̄an iien eo aō bwe in peptaij. Ke ej itok n̄an iien eo an bratōr eo aō, ij jutak turin kōjem eo im̧aan n̄an āinwōt juon rikam̧ool. Ij lukkuun lale bwe en tuļo̧k aolepān ilo dān eo.

Ej itok n̄an iien eo aō kiiō! Dān e emāneen. Ikar peptaij kōn jejjo armej ilo juon iien.

Ke ikar atotok, juon rijerbal an tampeļ ej letok n̄an eō juon to̧o̧l. Ikar kōmōraiki eō ilo jikin ekkaņōk nuknuk eo im bar kaņōki nuknuk in jar ko aō. Ke ij diwōj tok, juon rijerbal an tampeļ ej tōl ļo̧k eō n̄an kōm̧m̧an bujen kōn jejjo armej.

Iien eo aō ilo tampeļ ekar juon iien elukkun aorōk im jenoļo̧k! Ilukkun m̧ōņōņō bwe imaron̄ kar jipan̄ ro jet ilo aō peptaij im kapen bujen kōn er. Ijjab maron̄ kōttar n̄an bar rool tok.