Fas Tempol Trip blong Mi
!Hola! Mi mi Elena. Hem i fastaem blong mi blong go long tempol.
Samfala wik i pas, mi mitim bisop blong mi. Hem i askem sam kwestin long mi blong helpem mi blong meksua se mi rere blong go long tempol. (!Yu save ridim ol kwestin long pejĀ 22!) Afta, hem i givim tempol rekomen blong miwan.
Mifala i stap rere blong go. Mi werem klos blong Sandei blong mi. Mi fulumap tu, sam samting blong mekem hea blong mi afta we bae i wetwet. Mo mi meksua se mi karem rekomen blong mi. !Naoia mifala i stap go blong stopem bas!
!Tempol hemia! I naes tumas.
Taem mi wokbaot insaed long tempol, mi filim plante pis. Mi soem tempol rekomen blong mi long naesfala man we i wok long tebol long fored. Wan narafala man we i wok insaed long tempol i givim long mi wan waet ova rol klos long mi. Mi go insaed long lok rum blong jenis.
Naoia mi wet long taem blong mi blong kasem baptaes. Taem hem i taem blong brata blong mi, mi stap stanap long saed blong ples blong baptaes blong witnesem. Mi meksua se hem i go fulwan andanit long wota.
!Hem i taem blong mi nao! Wota i wom. Mi mekem baptaes blong sam pipol, wan afta wan.
Taem mi kamaot, wan man we i wok insaed long tempol i givim wan tawel long mi. Mi rinsim mi long rum blong jenis mo jenis bakegen long Sandei klos blong mi. Taem mi kamaot, man we i wok insaed long tempol i tekem mi go blong oli konfemem mi long bihaf blong sam pipol.
!Taem blong mi insaed long tempol i rili spesel! Mi glad se mi save helpem ol narafala man, tru long baptaes mo konfemesen long bihaf blong olgeta. Mi no save wet blong kambak bakegen i no longtaem.
Ol pikja foto i kam long Rachel Hoffman-Bayles