Wan Konfrens Mesej we i kam long Profet

Strong Fandesen Blong Yumi

I Kam long Presiden Russell M. Nelson

Oli karemaot long “Tempol mo Fandesen blong Yu long Saed blong Spirit,” Liahona, Nov. 2021.

President Nelson looking at Salt Lake Temple foundation

Oli bin bildim Sol Lek Tempol, moa long wan handred yia i pas. Ol paeonia oli bin bildim wetem ol tul blong taem ia. Hem i bigfala mo naes tumas. Be sapos yumi luklukgud long fandesen ia, yumi save luk se sam ston oli stap nogud ova long taem. Yumi save luk tu ol hol bitwin ol ston mo sam long ol ston oli muvmuv.

Ol enjinia, ol akitek, mo ol top man blong bildim haos, oli stap mekem wok naoia blong mekem fandesen blong tempol i kam strong moa. Taem bae oli finisim, tempol ia bae i stanap strong, mo i inaf blong stanap agensem graon we i seksek mo ol strong win. Bae i strong inaf blong stanap blong plante plante yia.

Yumi mas bildimap fandesen blong laef blong yumi long ston we i Ridima blong yumi, Jisas Kraes. Afta taem graon i seksek long saed blong spirit, bae yumi save stanap strong i stap.

Evri samting we yumi lanem insaed long tempol, i helpem yumi blong andastanem moa abaot Jisas Kraes. Taem yu bildimap strong fandesen blong yu long saed blong spirit long Jisas Kraes, yu no nid blong fraet. Bae paoa blong Hem i mekem yu moa strong.

graon we i seksek long saed blong spirit: samting we i had we i spolem hat mo spirit blong yu

“Evri samting we yumi lanem insaed long tempol i helpem yumi blong andastanem moa abaot Jisas Kraes.”

Presiden Russell M. Nelson

Jisas Kraes I Strong Fandesen blong Mi

coloring page of two children looking at statue of Jesus

Lef: Tempol, Pikja droing i kam long Bailey Rees; Presiden Nelson foto i kam long Jos Nius; Raet: Pikja droing i kam long Bryan Beach