Pein Jipan̄ ko ilo ipeļaakin Laļ in
Ioone Ami jān Japan
Ioon ajri in Būrāimere ro rej jipan̄ ro jet, āinwōt kar Jisōs.
Men otemjej kōn Ami
Kajin: Japanese
Iiō: 10
Kōttōbar ko im Ettōņak ko: 1) Etal n̄an juon mijen. 2) Kaminene ikkure iākiu. 3) Riiti juon jebta ilo Bok in Mormon kajjojo raan.
Baam̧le: Mama, Baba, bratōr ro jilu, im juon sister
Pein Jipan̄ ko an Ami
Ami ej mour ilo Okinawa, Japan. Kōn nan̄inmej in COVID-19, elōn̄ armej ro ijeņ epen aer ello m̧ōn̄ā. Kōn menin Ami ekar karōk juon iien leto letak m̧ōn̄ā. Ekar lukkuun kōņaan n̄an jipan̄!
Rekar aolep ioon doon ilo m̧ōn jar eo. Rekar aolep lukkuun kōkm̧anm̧an ke rej jerbale. Ami ekar kaņōk juon māāj.
Ami ekar likūt bo̧o̧k ko ippān doon. Ke bo̧o̧k ko rekar obrak kōn m̧ōn̄ā, ekar kilōki bwe ren maron̄ tāāpi im koņ. Ami ekar ļōmņak kōn wāween an Jisōs naajdik armej ro kōn pilawe ko im ek ko. Ekar m̧ōņōņō n̄an jipan̄ leļo̧k m̧ōn̄ā n̄an armej ro rekwole āinwōt kar E.
Men ko Rem̧m̧an Tata ippān Ami
Jikin eo: Baseball park
Bwebwenato kōn Jisōs: Ke E ekar ļotak
Al eo an Būraimere “N̄a Nejin Anij” (Children’s Songbook, 2–3)
M̧ōn̄ā: Steak
Kōļar: Maroro
Subject ko ilo jikin jikuuļ: Social studies im PE
Kōmeļeļe ko jān Hannah Li