Juon Ennaan jān kweilo̧k eo jān Rikanaan eo

En̄jake Aenōm̧m̧an ilo Būruōm̧

Jān Būreejtōn Russell M. Nelson

Ukote tok jān “Kwaļo̧k Gospel in Aenōm̧m̧an eo” im “Kajoor in Jetōb eo Ej Im̧we Jerbal eo,” Liaona, Māe 2022.

Ij iakwe kom̧ im jar kake kom̧ aolep raan. Ekanooj lōn̄ men ko reppen ilo laļin. Poktak ko im nan̄inmej in eļap em̧ōj an jelet elōn̄ armej. Laļin eaikuj jipan̄.

Jisōs Kraist ej Irooj in Aenōm̧m̧an. Gospel in An ej iaļ eo in n̄an lo aenōm̧m̧an. Kiiō eļapļo̧k jān m̧okta, jej aikuji aenōm̧m̧an eo E wōt emaron̄ letok.

Rikaļoor ro an Jisōs Kraist rej aikuj kōm̧m̧ane waanjon̄ak eo n̄an aolepān laļin bwe ren ļoore. Ewi wāween ad kōtmene aenōm̧m̧an eo n̄an an waļo̧k ilo laļin n̄e kōj kajjojo jejjab kappukot aenōm̧m̧an eo ad make? Ejjeļo̧k juon emaron̄ peek m̧akūtkūt ko an ro jet. Ak jemaron̄ peek kōj make.

Jouj im kōm̧m̧ane ijo komaron̄e n̄an anjo̧ jen poktak ko ilo mour eo am̧. Ettā bōro, peran, im kajoor. Menin enaj jipan̄ eok n̄an joļok an ro jet bōd im barāinwōt pukot joļok bōd n̄an eok make ilo ien am̧ bōd. Kajjitōk kajoor eo jān Jisōs Kraist im Pinmuur eo An n̄an jipan̄ eok.

Jisōs ej RiKraist eo! Ej mour! Ej iakwe eok im naaj jipan̄ eok.

poktak ko: iakweleel ko ak oktak in ļōmņak ko

“Ij kūr n̄an kabōjrak aolep poktak ko ilo būruōm̧ im ilo mour eo am̧.”

Būreejtōn Russell M. Nelson

Kadedeļo̧k Bwebwenato eo

Ta eo kwōj kōm̧m̧ane n̄e juon poktak ej waļo̧k ikōtaan juon jatūm̧ em̧m̧aan, kōra, ak juon eo m̧ōttam̧? Kālet juon iaan pija kein itulaļ. Innām je juon pija ak kōmeļeļe kōn wāween am̧ maron̄ lo aenōm̧m̧an.

Ire

Bok men ko m̧weien ro jet

Kakūtōtō

Jet Wāween Jipan̄ n̄an Kōm̧m̧an Aenōm̧m̧an

• Kakkije jidik im kajjieon̄ kaenōm̧m̧an eok.

• Keememej bwe aolep rej nejin Anij.

• Kōjerbal juon ainikien ejouj.

• Lōmņak kōn wāween an armej eo juon en̄jake.

• Kōnono n̄an eo jinen im jemān.

• Jar.

• Riiti juon bwebwenato jān jeje ko rekwojarjar.

• Ba “ij joļo̧k aō bōd” im “ij jeo̧rļo̧k am̧ bōd.”

Wāween Aō Lo Aenōm̧m̧an