Kar jeje jān Kwe
Etal im Jijet Turin
Sierra F., iiō 12, Utah, USA
Juon raan ilo jikin jikuuļ, ikar ron̄ bwe ke rekar kakūtōtōiki juon ļaddik. Ikar en̄jake burom̧ōj. Ejjeļo̧k juon ej aikuj kar kōm̧m̧an kain rōt in.
Tokālk ilo raan eo, Ļaddik eo me rekar kakūtōtōiki ekar itok n̄an bade eo im jijet turin. Ke ikar loe, ikar keememej ta eo ekar waļo̧k. Ikar ron̄ juon ainikien ej unoojdikdik tok im ba in jijet turin. Ak ikar jab kōņaan make iaaō im jijet turin. Enaaj em̧m̧an, Ikar ļōmņak. Ejjab aikuj juon n̄an jijet turin. Ikar kōjekdo̧o̧n en̄jake eo aō.
Ainikien ekar itok n̄an bar ippa, ekajoorļo̧k. Etal im jijet turin.
Ikar reilo̧k n̄an ļaddik eo. Ekar mejān ajimakeke im burom̧ōj. EMMAN, Ikar ļōmņak. Ke ikar jijet turin, ekar āliklik in kalimjōk eō. Ikar kwaļo̧k eta im kar kajjitōkin kōn e. Jinoin, ekar mijak. Ak ilo am kar bwebwenato, ikar en̄jake aeņōm̧m̧an. Im ekar jab bar mejen ajimakeke im burom̧ōj.
Ke kōm kar aikuj bar roolļo̧k n̄an kūlaaj eo, ikar ba inaaj bwebwenato ippān ālik. Ekar ettōn̄ jidik im ba EMMAN. Rūkaki eo aō ekar itok ippa im ba, “Kom̧m̧ol, Sierra. Ekar lukkun jouj.” Ikar kajibouluuli bōra.
Aolepān raan eo ekar m̧ōkaj, ak en̄jake in aeņōm̧m̧an eo ekar jab jako. Ikar jeļā bwe ikar kōm̧m̧ane men eo ejim̧we. Jet iien armej rejjab kōm̧m̧an em̧m̧an n̄an er n̄e rej oktak. Ijjab kōņaan, ak ej bōk jikin.
Jej aolep ajri ro nejin Anij. Jej aikuj kōm̧m̧an em̧m̧an im jouj n̄an ro jet. Eļan̄n̄e jej kōm̧m̧ane menin, ijeļā bwe Anij enaaj kōjeraam̧m̧an kōj.
Kōmeļeļe eo jān Kristin Kwan