Kajjojo Bōk Koņad n̄an Kabun̄ in
“N̄e kwoj itok n̄an m̧weo, ba n̄an eō al ta ko kwoj al kaki ilo Būraimere,” Jenny ekar ba.
“Inaajl!” sister eo an etan Miriam ekar ba ke ej kanōk juuj ko an.
Ejjab aolep ilo baam̧le eo an Jenny remaron̄ etal im jar kajjojo Jabōt. Ekar wōr jiljino armej ro ilo baam̧le eo an Jenny. Ak Mamá ekar bwe wōt jeen ko an n̄an wia ruo tikōt n̄an iuwe ilo baj kajjojo wiik. Kōn menin rej aikuj kajjojo bōk koņaer iuwe ilo baj n̄an mōn jar eo.
Jenny ekar kōņaan bwe en maron̄ etal kajjojo wiik. Ekar kōņaan ekkatak kōn Jisōs Kraist. Ekar kōņaan al al ko an Būraimere? Ekar kōņaan loe ro m̧ōttan. Eļaptata, ekar kōņaan en̄jake m̧ōņōņō, im aolep iien ej etal im jar. Ak rainin ej pād wōt ilo m̧weo.
“Iien etal.” Mamá ekar atbokwoje Jenny im bratōr im sister eo an goodbye.
Jenny ekar kajjieon̄ ettōn̄ dikdik ke Miriam im and Mamá rej em̧m̧akūt. Ak ekar en̄jake ke ej kalimjōk aer mootļo̧k. Ikōņaan bwe en kar iien aō etal, Jenny ekar ļōmņak. Ekar pen aolep iien n̄an ped wōt ilo m̧weo.
“Kwokōņaan ke kōļar?” Ļaddik jidikdik eo jatin Jenny, Marco, ekar jibwi kōļar ko im pepa ko.
Jenny ekar mōmajidjid.
Ilo jejjo awa ko rej pedotok, Jenny ej riiti bwebwenato ko im ej kōļar ippān Marco im sister ro an rerūtto. Ekar limo, ak Jenny ekar ļōmņak wōt kōn kabun̄ in. Rekar ke ekkatak al ko rekāāl ilo Būraimere kiiō? Katak rot eo an rainin?
Āliktata Jenny ekar ron̄ an peļļo̧k kōjem̧ eo. Mamá im Miriam rekar pād m̧weo!
“Mam̧a!” Miriam!” Jenny ekar iakwoj n̄an kōjem̧ļo̧k im atbokwoje er.Mama ekar likūt laļ iep eo an.
Jen kōnono kake etke armej rej m̧anit rōt in.”
Aolep rej jijet ippān doon. Mamá ekar kadiwōjtok bok in al jidikdik eo an ekar kōjparoke ilo iep eo an. Al eo an baam̧le eo an Jenny “Families Can Be Together Forever.” Ekar jeļā aolep naan ko.
Innem Jenny ekar kajjitōk ippān Miriam kōn Būraimere. Ekar kōpelļo̧k walōt eo an im kadiwōj tok juon m̧ōttan pepa jidikdik. Ekar kajutake bwe aolep ren maron̄ loe. Ekar juon pija ekar kōļare pijaan Jisōs ippān ajri jiddik ro.
“Jej kōļar e juon pija im al ‘I’m Trying to Be like Jesus.’ Innem ekar kōnono kōn wāween an Jisōs kar jipan̄ aolep.”
“Jekar kōnono kōn menin ilo bar Relief Society,” Mamá ekar ba. “Jisōs Kraist emaron̄ jipan̄ kōj n̄e jej mijak ak ajimakeke.” Mamá ekar kadiwōjtok m̧ōttan pepa eo jān iep eo an. “Rūkaki eo ekar leļo̧k n̄an aolep kout in jān rikanaan eo. ‘Ilo am̧ kālet n̄an mour ilo jait eo an Irooj, kwojamin make iaam.’”*
“Barāinwōt ijin ilo m̧weo!” Jenny ekar ba.
Mamá ekar ettōn̄ dikdik. “Barāinwōt ilo m̧weo. Jemaron̄ aolep iien en̄jake an Rilo̧mo̧o̧r epaake kōj.
Jenny ekar lukkuun ettōn̄ dikdik. Ekar jab maron̄ etal im jar aolep wiik. Ak ekar maron̄ en̄jake an epaake Jisōs ilo m̧weo. Im ekar lukkun m̧ōņōņō kōn iien eo an n̄an bar rool im jar.
Kōmeļeļe ko jān Laura Catrinella