Kar jeje jān Kwe
Drama eo Itulikin Stage
Paisley B., iiō 12, Utah, USA
Ļaddik eo jatū ekakitōtō, ekajoor ilo kōļmenļo̧kijeņ, im ej kea kōn ro jet. Ej juon iaan rialooj ro em̧m̧an ippāer n̄e ij ikkure ioon stage. Ebar wōr iakuj ko rejenolo̧k aikuji. Elukkuun dik āinbwinin n̄an iiō eo an im epen n̄an an riit, jeje, ekōnono, im jet iien meļeļe ro jet. Ebarāinwōt jaron̄ron̄.
Juon raan ikar katak ikkure eo, ikar etal lōn̄ļo̧k ilo jikin uwe ko n̄an stage eo. Ikar ron̄ an juon armej ba juon men kōn ajri ro ewōr nan̄inmej ko ilo ānbwin. Aolep rekar jino kōm̧m̧an kōjak im ettōn̄ kake men eo.
Ikar jeļā bwe rekar jab ļōmņak in kōmetak en̄jake eo aō, ak ikar lukkuun būrom̧ōj im ettōrļo̧k im kappok jikin aō kitileekek. Ke ikar jijet ilo jikin kitileekek eo aō, juon rūtto ekar jijettok itūrū im jino ekōnono tok kōn ikkure eo. Ekar jino em̧m̧anļok aō mour.
Ke ekar iien rooļ, ikar ba n̄an m̧am̧a ta eo ekar waļo̧k. Ekar ba n̄an n̄a bwe EMMAN n̄an etal jān juon men eo me ej kōnanaik aō mour im EMMAN n̄an ekōnono kōn en̄jaake ko aō n̄an juon eo errūtto.
Jet iien armej rejjab meļeļe wāween ad en̄jake kōn an wōr nan̄inmej ko ilo ānbwin im kōlmenļo̧kijeņ ippād ak jeļā juon eo ewōr men kein ippān. Ikōņaan juon waanjon̄ak in iakwe im jouj.
Kōmeļeļe eo jān Kristin Sorra