Iaikwoj Kōkane
Rikanaan eo ekar ba jen jab aikuj bōjrak jān m̧aanjabpopo.
Neen Luke ekar jujuuri laļ. Ekar kalimjek aeran. Brother eo an, Robert, ekar tōpareļo̧k!
“Tāāk! Kwe eo!” Robert ekar ba.
Luke ekar ettōn̄dikdik. Ekar kipōļļeļo̧k leddik eo jein errūto, Mili.
Ālkin ikkure eo, aolep rekar jijet im kakkije.
“Ta eo jemaron̄ ikkure kiiō?” Mili ekar kajjitōk.
Luke ekar m̧ōņōņō bwe ewōr jein im jatin n̄an ikkure ippāer. Bōtaab COVID-19 ekar ukōt elōn̄ men ko. Rekar jab maron̄ etal n̄an jikin ko im elōn̄ uwaan armej ie. Im jet iien emo aer pād nam̧ōj.
Luke ekar kajjeon̄ ļōmņak kōn juon ikkure me remaron̄ kar ikkure. Innām eaar ļōmņake juon men ekar ron̄ ilo Būraimere.
“Ij ļōmņak jej aikuj kōm̧m̧ane juon men bwe jen pojak,” Luke ekar ba.
“Ta meļeļe in am̧ ba?” Mili ekar kajjitōk.
Luke lale wōjke guava ko ipeļaakin m̧weo im̧weer. “Rikanaan eo ekar ba jejjab aikuj bōjrak jān ad kōbpopo. Bōlen jemaron̄ jinoe aini kane aļaļ ko rainin. Jemaron̄ kōm̧m̧ane n̄an juon ikkure n̄an lale wōn eo elōn̄tata koņaan.
Luke im ro jatin rekar iaikwoj n̄an wōjke ko itūrin m̧weo im̧weer. Luke ekar ain aļaļ ko ilo pein im ettōrļo̧k im karōk aļaļ ko an ilo m̧ōn kakkoņ eo. Ke ajri ro jatin rekar tōpar ijo, ekar jipan̄ er karōk aļaļ ko aer barānwōt. Rekar ettōrļo̧k im ettōrtok m̧ae rekar ain aļaļ ko m̧ae rekar lukkuun utiej.
“Jon̄an e ebwe n̄an kōmat ilo aolepen wiik in!” Mili ekar ba.
“Eļap an kar limo,” Robert ekar ba. “Em̧m̧an ippa n̄e ij pojak!”
“Bar n̄a,” Luke ekar ba. Ekar kōņaan kōm̧m̧ane bar juon men n̄an pojak.
Tokālik e im ļaddik eo jatin im ledik eo jatin rekar kaddōk bele (juon vegetable kūriin) ilo jikin kallūb eo aer. Luke ekar m̧wijit ra ko jān menin eddōk ko rerūtto bwe ren maron̄ kaddōki im kalōn̄ļo̧k.
Ilo aer jerbal, jibwier im jim̧m̧aer im ro jineer im jemāer rekar diwōj tok n̄an nam̧ōj.
“Kwar make kaddōk bele?” Jim̧m̧a ekar kajjitōk.
“Aaet,” Luke ekar ba. “Im kōm ekar bar kōm̧m̧an kane aļaļ”
“Kom̧m̧ool,” Jema ekar ba. “Ikar lukkuun boub rainin. Iban kar maron̄ kōm̧m̧ani?
Rālepen eo, Luke ekar jijet lowaan m̧weo ippān baam̧le eo an. Rekar ron̄ juon kōjjeļā ilo radio eo bwe aolep rej aikuj pād wōt lowaan m̧oko ium̧win emen raan ko n̄an kabōjrak COVID-19 jān an ajedeed. Ejjeļo̧k eņ ekar mālim in diwōj jān m̧oko m̧weer.
“Elukkuun em̧m̧an bwe rainin jekar aiinniin kane. Jeban kar maron̄ kōm̧m̧ane kio,” Mili ekar ba.
Luke ekar ettōn̄dikdik. Ekar m̧ōņōņō bwe rekar ļoor kūr eo an rikanaan eo n̄an m̧aanjapopo.
Kōmeļeļe ko jān Shawna J. C. Tenney