Jān Būreejtōnji eo Kein Kajuon
Meram im Aenōm̧m̧an eo an Tampeļ
Jān Būreejtōn Henry B. Eyring
Rikapilōklōk eo Kein Karuo ilo Būreejtōnji eo Kein Kajuon
Kobaiktok jān “Ij Mōņōņō in Lo Tampeļ eo,” Liaona, Māe 2021, 28–31.
Loe juon tampeļ ak juon pijaan emaron̄ lewaj n̄an eok juon ikdeelel n̄an deļo̧n̄e juon raan. Raan eo enaaj itok bwe kwon maron̄ bōk juon peba in mālim n̄an deļo̧n̄e tampeļ eo n̄an kōm̧m̧ane peptaij ko ilowaan tampeļ. N̄e kwoj peptaij n̄an juon armej eo em̧ōj an mej, kwoj jipan̄ Rilo̧mo̧o̧r eo ilo jerbal eo An ekwojarjar n̄an kōjeraam̧m̧an juon nejin Jemedwōj Ilan̄.
Iiō ko rem̧ootļo̧k, ikar etal ippān juon nejū leddik n̄an tampeļ. E eo ekar āliktata n̄an peptaij ilo raan eo. Juon rijerbal in tampeļ eo ekar kajjitōk ippān leddik eo nejū eļan̄n̄e emaron̄ kaitokļo̧k an pād n̄an peptaij kōn aolepān āt ko rekar pojak n̄an raan eo. Leddik in ekar ba aaet.
Iaar lale an leddik eo nejū deļo̧n̄eļo̧k jikin peptaij eo. Peptaij ko rekar ijjinoe. Ekar to̧o̧r dān jān mejān kajjojo iien rej lelōn̄tak jān dān eo. Kar kajjitōk ippān elōn̄ alen, “Komaron̄ ke kōm̧m̧ane elōn̄ļo̧k?” Kajjojo iien, ekar ba aaet kōn juon ainikien peran. Ekar pād m̧ae iien armej eo āliktata ilo laajrak eo an raan eo ekar peptaij ilo etan Jisōs Kraist.
Ij kemeemej wōt en̄jake in meram im aenōm̧m̧an ilo am̧ro kar jim̧or etal jān tampeļ eo. En̄in ej ta eo jerbal in jipan̄ ilo tampeļ ej ukōt im kotak kōj.
Meran in Tampeļ
Likūt pija kein ilo m̧weo im̧ōm̧ n̄an kakeememej eok bwe komaron̄ deļo̧n̄ ilowaan tampeļ juon raan.
Meļeļe ko jān David Habben