Al eo Em̧m̧antata Ippān Fatima
Fatima ej etetal ekāke laļļo̧k ilo iaļ eo. Ekar etal laļļo̧k n̄an m̧weo ippān m̧am̧a jān jikin jikuuļ. Ej al kōn būruwōn juon al ilo an etetal ekāke.
“Ms. Lopez ekar kajjitōk bwe jān katak juon al,” Fatima ekar ba. “Komaron̄ ke katakin n̄an juon?”
Mamá ekar ettōn̄ dikdik. “Aaet!”
Ke rekar tōpar m̧weeo, Mama im Fatima rekar al al ko ippān doon. Rekar al elōn̄ al ko. Ak rekar jan̄in al al eo em̧m̧antata ippān.
“Imaron̄ ke al juon al in Būraimere?” Fatima ekar kajjitōk
“Aaet,” Mama eaar ba.
Fatima ekar al “Families Can Be Together Forever.” Ekar katak naan ko ippān m̧am̧a. Innām ekar make al kake. Ekar al m̧ae ekar jim̧we an ba naan ko aolep.
Ilo jikin jikuuļ, Fatima ekar kijooror in kwaļo̧k al eo an ippān kūlaaj eo an.
“Ewōr ke eņ ekōņaan kwaļo̧k al eo aer?” Ms. Lopez ekar ba.
Fatima ekar kajutak pein. “Inaaj!”
Eaar jutak im ettōn̄dikdik. “Ewōr aō baam̧le jin lo laļ in. Rej em̧m̧an tok n̄an eō,” ekar al.
Ke ekar al, Fatima ekar en̄jake m̧ōņōņō. Im ekar keememej aolepen al eo! Aolep ilo kūlaaj eo an rekar kabokbok!
Ālikin kūlaaj, Mama ekar itok im bōke Fatima. Ms. Lopez ekar ekōnono n̄an Mama.
“Ekar al juon al eaiboojoj. Im ekar ejjeļo̧k an mijak n̄an jidik.”
Fatima ekar mejān ettōn̄dikdik. Barāinwōt Mama.
“Kōmij al al ko raiboojoj aolep wiik ilo jikin jar!” Fatima ekar ba.
“Komaron̄ itok ippemim tok jabdewōt iien,” Mam̧a ekar ba.
Ms. Lopez ekar mejān ettōn̄dikdik. “Kam̧m̧ool.”
Fatima ekar al ilo an etetalļo̧k n̄an m̧weo ippān Mam̧a. Em̧m̧an ippān kwaļo̧k al ippān kūlaaj eo an. Al ekōm̧m̧an menin an en̄jake m̧ōņōņō.
Kōmeļeļe ko jān Alessia Girasole