Teutana Riki te Ibuobuoki

Iroun Jane McBride

(E boboto i aon te karaki ae koaua)

Riin taian Dinosaur kaunga riki nakon te tutuo iaon te taetae.

A young boy walks through his classroom at school. He looks sad. A man holds up a dinosaur bone.

“Alex, e a boo te tai n nako n tutuo iaon te taetae,” e taku Nei Jenkins.

E kabaraaka atuuna Alex. Te tutuo iaon te taetae bon te kiraati ae onoti ae nanako ni kaea. Iai ana kaangaanga n atong tabeua taeka ma tangiia. Ngaia are e kataneiai n tain te kiraati ibukin te taetae tabeua te tai n te wiiki. Ni katoa tai ao e kitana ana kiraati are e taneiai ni kakaea, e namakina te maamaa!

E tararake n taraa ana tia reirei. “I Kona n Taonna?” e wirikiriki. “Tii ibukin ngkai?”

N te bong aei, ao e a roko Mr. Timmons nakon ana kiraati Alex bwa e na maroroakina taekan taian dinosaurs. E mwakuri Mr. Timmons n te miutiem ma riin taian dinosaur aika moan te mwaiti. E kona naba ni uota te rii ae e a rangi ni maan ae teuana tengaa ririkina! E aki kan kabuaa te tai aio Alex.

E matangare Nei Jenkins. “Ko riai n nako n iriira am kiraati. Ma ko na riai n oki n tain ana kabanea ni maroro Ten Timmon.”

E kataia ni kabooa mwin te moangare Alex, ma e aki konaa. E karaurau n rianna nako n te tabo n tutuo ibukin te taetae. N te kiraati ao kataneiai n atonga te bwanaa ae ti te arona ni kaokiokia. N reiakina rongorongon taian dinosaurs e na taraa ni kaunga riki.

“I ribai tangin taeka aikai n atong,” e tuanga ana tia reirei ibukin tangin te taetae. “I taraa n nanoroo iai.”

“Tiaki te ataei ngkoe,” e taku neiei. “Ti bane ni kainnanoa teutana riki te ibuobuoki n taai tabetai. Ko ataia ae I nako n te tabo n tutuo ibukin te taetae ngke titebo au ririki ma ngkoe?”

E namakina te nakoraoi teutana Alex. E mwakuri korakora ni karokoa banen te kiraati ni kataneiaa tangin te taeka.

Ngke e oki Alex nakon ana kiraati Nei Jenkins, e a noora raraona ae Courtney bwa e a nako.

“Ko na nakea?” e titiraki.

Mika e baraaki n taraa naano. “Iai au kaangaanga n te wareware. I riai n nanako ni kaea te kiraati ae onoti ibukin te wareware.” E taraa ni maamaa Courtney.

“Eei, akea te kaangaanga,” e taku Alex. “I a bon tibwa oki man au kiraati iaon te taetae. I kabanea te tai ae bwanin ni kaokioka atongan te taeka ae ti te arona.” E kakuia bwairina.

“Ko karaoia?”

E katoua atuuna. “I a kaman tia ni kakaea te kiraati ibukin tuaon te taetae inanon uoua te ririki.”

“E aera bwa N na aki ataia?” e titiraki.

E kakuia angana Alex. “Bon akea temanna ae I tuangnga. I maaku bwa tokina a na bwainingareai.”

“N na bon aki kona ni bwainingareiko,” e taku Courtney. “I kukurei bwa ko oki raoi n te tai n noora riin te dinosaur. E rangi ni kakateke!” E kateitea baina. “I a riai n nako. Manga kaitibo imwiina.”

N te tai ae aki maan ao e a kunea Alex bwa ngaia ma Courtney tiaki tii ngaiia ae a nako ni kaei kiraati ake tabeua. E nako ni kaea te kiraati Tommy bwa e na buokia ni kanakoraoa ana konabwai n te aro n reitaki. Ao Bekah e mwakuri ma te tia reirei ae onoti ni buoka kamarurungan baina imwiin ikoakina.

Ngkai ao akea namakina te nakoabuaka n ana kiraati ibukin te taetae. E tangiria ni kan buokiia naba ataei ake tabeman. E kataneiai ni wareware ma Courtney ao n taetae ma Tommy n tain te katawanou. Aomata nako a kainnanoa teutana riki te ibuobuoki n taai tabetai, ao akea te KAANGAANGA n anne!

E riki te karaki aei i Amerika.

This image is #1 listed below. A series of spot illustrations of children. 1. A girl reading. 2. A boy talking. 3. A girl with a broken arm in a sling.

E reke buokau teutana n te wareware.

This image is #2 below. A series of spot illustrations of children. 1. A girl reading. 2. A boy talking. 3. A girl with a broken arm in a sling.

E reke buokau teutana n au konabwai iaon te aro n reitaki.

This image is #3 listed below. A series of spot illustrations of children. 1. A girl reading. 2. A boy talking. 3. A girl with a broken arm in a sling.

E reke buokau teutana ni bai.

story PDF

Kamataata n te tamnei iroun Mark Robison