Te Maroro ma Xiomara ibukina Ngkai e Boou n te Bootaki n Ataeinnaine
Xiomara (atongana she-o-MA-ra) mai Chiapas, te tabo i Mexico Maiaki. E a tibwa maewe nakon te Bootaki n Ataeinnaine.
Te moan, ti tangiria ni kan kinako.
Tera ae ko karaoia ibukin kakukureiam?
I buti iaon au bwatika, takakaro ni butibooro, ao ni kuuka. Te bwai ae mamate nanou iai ni kan kukanna bon te quesadillas!
“Tera te kara ae mamate nanom iai?
Baboboo.
Tera ae bane ingaingan nanom nako iai ni mwaewem man te Moanrinan nakon te Bootaki n Ataeinnaine?
I bon rangi ni kukurei n nako nakon te tembora ao ni karaoa te bwabetito.
Te arora am namakin ibukin nakom nakon te Bootaki n Ataeinnaine n te moan tai?
N te moan tai, e bon matoatoa. I bon raraoma bwa tera aia iango ataeinnaine ake a ikawai ibukiu. E bon nako nanou teutana ni karokoa are ti a bane ni kaai n nako nakon te tembora. Anne ngke ti a riki bwa rao aika a tamaroa.
Te arora aron te nako n te tembora n te moantai?
Te bong aei e bon rang n onoti. Te nako nanon ana tembora te Uea bon te taneiai n te maiu n tamnei. I rang kan nanako n te tembora n taainako. N te Moanrinan ti anenea, “I love to see the temple. N na bon nako ikekei n te taina.” Ngkai I kona n taekinna, “I tangira n nakon te tembora.”
Te moantai anne n te tembora, I karaoa te mwakuri ni bwabetito ibukiiia tabeman ai tinau, tabeman ana utu tibu te unaine (tinan tinau), ao tabeman aomata ake I aki kinaia. Te tembora ao rongorongon te utu bon mwakoron au koaua.
Tera tabeua waaki ni kakukurei aika a kaunga ake ko a tia ni karaoi n aia kurubu kaain te Bootaki n Ataeinnaine?
Karaoan te kuuki! Ti karaoi 150 te kuuki. Ngkanne ti tibwai ma tabeman aomata. A kaunga ana waaki ni kakukurei te Bootaki n Ataeinnaine. A kaonaki n taian reirei aika a tamaroa, te ungannano, ao te kairiiri bwa buokara n riki bwa mitinare n taai aika a na roko.
Iai riki tabeman ataeinnaine aika bon am roro aika a mena n ami uoote?
Tii ngai. Bon tii ngai naba kaain te Ekaretia n au kiraati n te reirei.
E kaangaanga ae ko riki bwa tii ngkoe kaain te aro n te reirei?
E aki. A ataia ni kabane raraou ae I ira te aro ae kaokoro ma ngaiia, ma akea te bwai ae a karaoia nakoiu ae kaokoro.
Tera ae kanga e bane riki nanom iai ngkai ko riki bwa kaain te Bootaki n Ataeinnaine?
I tangiria n reiakina riki rongorongon te Tia Kamaiu ao te babaire ni kamaiu. Bon te kakabwaia ae korakora ni karaoa te mwakuri ibukin rongorongon te utu. I tangiria ni karaoa te bwabetito n te tembora n anga te kantaninga nakaoia kaain ara utu ake a kaman kitana te aonaaba aei.
I kan riki bwa kaain te burokuraem n te Bootaki n Ataeinnaine!
Kamataata n te tamnei iroun Alyssa Tallent