Bwaeoniia n Aba Nako

E Kunea te Kawai Felipe

Iroun Megan Roxas

(E boboto i aon te karaki ae koaua)

“Taiaoka buokiira ni kunea kawaira,” e taku Felipe.

Spread illustration of Felipe (age 10) and his mom walking through a jungle, late in the day. Felipe is pointing to palm trees above the jungle in the distance. The jungle scene continues across the whole spread. Seven spot illustrations: 1. Map of Philippines 2. A tarsier, an animal found in the Philippines 3. An Latter-Day Saint temple illustration 4. Felipe and his wife on their wedding day. Just the figures from waist-up, no background needed 5. Felipe as he holds up a fish that he has caught 6. Simple family chart showing Felipe and his wife, four children (2 boys, 2 girls), and 10 grandchildren (5 boys, 5 girls). 7. Felipe at about age 19 as a missionary.

E ataia Felipe kanga e nang moanna n oimwi. A toki kakarongoaaia mannikiba, ao taian crickets a tangibururu ni kabaibati. Ngaia ma tinana a nakonako n te buakonikai nakon uoua tabun te aoa. Ma kawai n tatabeua ake a toui bon titebo ma are te kabanea. A bon bua raoi.

E a rangi maaku Felipe. A na maanra riki ae a na kona ni maiu n te buakonikai? E ngae n anne, bon tii 10 ana ririki ni maiu,. Anne e tuai raoi n ikawai ni kona n un ma te naeta ke beekin buakonikai ae aki manana! Ao tera riki manin aonteaba aika a kakamaaku ake a na kawakawa imwiin bungin taai? Te iango e karika namakinan te mwaitoro ae birirakea riin nukana.

Bwaina te ninikoria, e taetae i bon irouna. E ataia bwa e bon riai ni karaoia.

Ana kantaninga Felipe bwa e mena tamana ikekei. Ma e a tia ni mate onoua te namwakaina nako. Ngkai akea ngaia, a kaangaanga bwaai iroun Felipe ma tinana. Akea aia mwane ao kanaia.

Ana kantaninga Felipe bwa a na kona n nakon ana auti mwaanena n iteran te maunga are te iterana n te tai ae waekoa. E na kona neiei n anganiia aia tianti teutana bwa a na kabooa kanaia te raiti.

E karaoa ana tataro inanona. “Te Tama are i Karawa, taiaoka buokiira bwa ti na kunea kawaira. Taiaoka.”

Ngkanne e a roko te iango irouna: Taraa te aroka te nii. E tararake Felipe n taraa eeta. Ikanne, n ae raroa, bon rinan n aroka taian nii. E kona n noori rietaataia riki nakon te buakonikai ni kabuta. A tiobaa taian baanni man te ang. N te moantai inanon aoa, e karekea te kantaninga Felipe.

“Taraia!” E kotei taian nii.

E reke ana atatai tinana. Aroka taian nii nanona a kan roko n te kaawa. E kaekaaki ana tataro Felipeiroun te Atua. E katika bain tinana Felipe. A kaai n nakonako ni kamanoaki ngkai e tabe ni keerikaaki otan taai riaan taian aroka.

E aki toki n uringnga Felipe bwa e kanga te Atua ni kaeka ana tataro. N tabetai e kantaningaia e na kona n ongo bwanaan te Atua n ae tamaroa riki n aron are e riki n te tairiki arei n te buakonikai.

Ngkanne te bong teuana, waniua te ririki n nako, e a kaitibo Felipe ma tabeman mitinare. Bon mitinare man Ana Ekaretia Iesu Kristo ibukiia Aika Itiaki ni Boong aika Kaitira. A reireinna taekaia burabeti, ake a taekina ana taeka te Atua. Bon aei ae kakantaningaia Felipe!

E rangi ni kukurei nanon Felipe ni kaaina te Ekaretia. E riki bwa temanna moan mitinare mai Biribin ni tibwaua te euangkerio ikekei. Ao riki, e a tia te Atua ni kaotia nakon Felipe te tabo ae a na nako iai—ao e ataia Felipe bwa n taainako ao e bon karaoia te Atua.

E mwaiti aban Biribin ae e riaon te mwaiti ae 7,600!

N te aba ao n taian mweenga e katautauaki bwa 70 te katebubua ae kabonganaaki ibukin te ununiki ao te maniman.

N te tai ae maan ao Biribin e nang reke waniua ana tembora.

Felipe ma kaainabana a kawakin mwane ibukin teuana te ririki n te aro bwa aonga ni mwananga nakon te tembora bwa a na kabaeaki.

E tatangira te nako n akawa Felipe.

Felipe ma kaainnabana, ae Cora, iai natiia aika 4 ao 10 tibuia.