“Kabanea am iango iaon te Tembora,” Te Rao, Nobembwa 2022, 2–3.
Te Rongorongo man te Maungatabu mairoun te Burabeti
Kabanea am iango iaon te Tembora
E anaaki taekana man “Kabanea am iango iaon te Tembora,” Riaona, Nobembwa 2022.
Kamatataakin te tembora n te tamnei iroun Bailey Rees; te iteraniba ni kara iroun Bryan Beach
N aki maan n nako, Ngai ma Titita Nelson ti mataku n tamnei aika a boou aika witeo man ana Boki Moomon. Teuana mai buakona e kaota kaotin te Tia Kamaiu nakoia Nibwaite. E taku, “Nooria, bon Iesu Kristo Ngai. Ngai te oota ao maiun te aonnaba” (3 Nibwaai 11:10–11).
E rang kakaawaki bwa te Tia Kamaiu e rineia bwa e na kaoti nakoia aomata n te tembora. Bon Ana auti. E kaonaki ni mwaakana.
Te Uea e kabirimwakaa katean taian tembora. E karaoaki aio n te aro bwa a aonga ni mwaiti riki aomata ae a na kona n nako ikekei. I berita bwa kakawaran te tembora n tainako e na kakabwaiaiia aomata bwa bon akea riki te bwai teuana ae konaa ni karaoa aei.
N te maungatabu, I katanoatai 18 tembora. Ni kaawa tabeua aika a bubura, e anaa te tai ae maan ibukiia aomata ni mwananga nakon te tembora n aia kaawa. Ngaia are ti nang katei tabeua tembora ni kaawa tabeua aika a bubura. Aua mai buakon tembora aikai a na kateaki ni uakaan ma Mexico City.
Tariu ao mwaaneu aika a tangiraki, kam bia kabanei riki ami iango iaon te tembora nakon are mai imwaaina. I kakabwaiai ngkami bwa kam na rikirake ni kaniiaki riki nakon te Atua ao Iesu Kristo ni katoa bong. I tangiri ngkami. Raomi te Atua ni karokoa are ti a manga kaitiboaki.
E Kawariia Nibwaite Iesu
E kaoti te Tia Kamaiu nakoia Nibwaite n te tembora ibukina bwa bon Ana auti. E kakabwaiaira te Atua ma tembora riki aika mwaitin bwa a na kakorakoraira ao ni kamanoira.