“Kakeememej ko an Kweilo̧k Eo,” Jera, Nobōm̧ba 2022, 5.
Kakeememej ko an Kweilo̧k Eo
Aolep Remaron̄ Jerbal
Būreejtōn Oaks ekar kwaļo̧k bwebwenato eo kōn juon em̧m̧aan etan Mr. Gabriel, eo ekar jipan̄ taujin ajri rijipo̧kwe ro. Ekar kajutak “jtree schools,” ko ijo ajri ro raar aindoon n̄an katak ko ium̧win aeloror in wōjke ko. Ke ekar lo juon aikuj, ekar jipan̄! Anij ej im̧we elōn̄ armej ro āinwōt Mr. Gabriel n̄an kōm̧m̧an em̧m̧an.
Menin ej katakin eō.
Kwaļo̧k Bok in Mormon eo
Elder Rasband ekar kwaļo̧k kōn ekōjkan an rikanaan eo kar letok juon kape in Bok in Mormon n̄an juon kiin̄ in Ghana Ippān doon, Būreejtōn Nelson im kiin̄ eo rej riit kōn Jisōs Kraist ilo 3 Nipai 11. Kiin̄ eo ekar ba bok eo ekar ļapļo̧k an aorōk jān taim̧oņ ko im dekā rubi ko kōnke ekar katakin e eļapļo̧k kōn Jisōs.
Menin ej katakin eō.
Uwaak Eo Ej Jisōs
Eder Olsen ekar kōnono kōn ļaddik eo man̄aden Nash. Raar jerbal ippān doon ke Nash ekar kwaļo̧k juon ļōmņak em̧m̧an n̄an ņa mejļan juon inepata. Elder Olsen ekar kajjitōk ippān Nash ekōjkan an kar kanooj in māletlet. Nash ekar uwaak, “Jisōs.” Jisōs Kraist ej uwaak eo n̄an aolep inepata ko ad.
Menin ej katakin eō.
Māj Kūlaaj ko n̄an Lo
Sister Browning ekar ba bwe ej aikuji māj kūlaaj ko n̄an jipan̄ e loļo̧kjeņ. Aolep jibbon̄, men eo m̧o̧ktata liin ekar taļumi māj kūlaaj ko an. Liin ekar kōnono kōn ekōjkan an aikuji Jisōs Kraist aolep raan ilo ejja wāween eo wōt liin ej aikuji māj kūlaaj ko an. Rilo̧mo̧o̧r eo ej kallim̧ur n̄an tōlļo̧k im tōl kōj n̄e jej kōm̧m̧an iien n̄an E.
Menin ej katakin eō.