“Mije Tampeļ Eo,” Jera, Nobōm̧ba 2022, 2–3.
Juon Ennaan an Kweilo̧k eo jān Rikanaan eo
Mije Tampeļ Eo
Ukukōt jān “Mije Tampeļ Eo,” Liaona, Nob. 2022.
Pija in tampeļ jān Bailey Rees; peij in kōļar eo jān Bryan Beach
Kiiō epaak, Sister Nelson im n̄a kar alooje pija in alooj ko rekāāl an Bok in Mormon. Juon iaer ekar kwaļo̧k kōn waļokļo̧k eo an Rilo̧mo̧o̧r n̄an Rinipai ro. E ekar ba, “Lo, N̄a ij Jisōs Kraist. … N̄aij meram eo im mour eo an laļ” (3 Nipai 11:10–11).
Elukkuun aorōk bwe Rilo̧mo̧o̧r ekar waļokļo̧k n̄an armej ro ilo tampeļ eo. Ej m̧weo Imōn. Ej obrak kōn An kajoor.
Irooj ej kōm̧ōkajļo̧k kalōk tampeļ ko. En̄in ej bwe en lōn̄ļo̧k armej ro ren maron̄ etal n̄an ijo. Ij kallim̧ur bwe kōmakijkij ilo̧k n̄an tampeļ naaj kōjeraam̧m̧an armej ro āinwōt ebar ejjeļo̧k emaron̄.
Ilo kweilo̧k in, ikar kōjjeļā kōn 18 bar tampeļ ko. Ilo jet jikin kweilo̧k ko relluukin eļļap, ebōk juon iien aitok n̄an an armej ro ilo̧k n̄an tampeļ eo ilo jikin kweilo̧k eo aer. Kōn menin jenaaj kalōk jejjo tampeļ ko ilo jet iaan jikin kweilo̧k kein reļlap. Emān tampeļ ko rekāāl naaj ekkal iturin Mexico City.
Ro jeiū im jatū jitōnbōro, kōm̧m̧an bwe jen mije tampeļ eo ilo wāween ko kom̧ij jan̄in kar kōm̧m̧ani m̧okta. Ij kōjeraam̧m̧an kom̧ n̄an epaakeļo̧k Anij im Jisōs Kraist aolep raan. Ij iakwe kom̧. Anij en pād ippāmi m̧ae iien jej bar ioon doon.
Jisōs ekar Loļo̧k RiNipai ro
Rilo̧mo̧o̧r ekar waļokļo̧k n̄an Rinipai ro ilo tampeļ eo kōnke ej im̧weo Im̧ōn. Anij ej kōjeraam̧m̧an kōj kōn elōn̄ļo̧k tampeļ ko n̄an kōkajoorļo̧k im kōjparok kōj.