Bainier ro ilo Aolepān Āne eo

Felipe Ej Lo Iaļ eo

Jān Megan Roxas

(Pedped ioon juon bwebwenato em̧ool)

“Jouj im jipan̄ kōn lo iaļ eo am,” Felipe ekar jar.

Spread illustration of Felipe (age 10) and his mom walking through a jungle, late in the day. Felipe is pointing to palm trees above the jungle in the distance. The jungle scene continues across the whole spread. Seven spot illustrations: 1. Map of Philippines 2. A tarsier, an animal found in the Philippines 3. An Latter-Day Saint temple illustration 4. Felipe and his wife on their wedding day. Just the figures from waist-up, no background needed 5. Felipe as he holds up a fish that he has caught 6. Simple family chart showing Felipe and his wife, four children (2 boys, 2 girls), and 10 grandchildren (5 boys, 5 girls). 7. Felipe at about age 19 as a missionary.

Felipe ekar jeļā ekar bon̄ļo̧k. Bao ko raar bōjrak aer jan̄, im jidjid ko ekar ļap aer alin̄urn̄ur. E im jinen raar etetal ilo wōjke ko eļapļo̧k jān ruo awa ko. Bōtaab kajjojo iaļ raar bōke raar eier wōt juon āinwōt eo m̧oktaļo̧k. Raar lukkuun in jōbwābwe.

Felipe ekar juino lukkuun kor. Ewi aitokan aer maron̄ mour ilo jan̄kōļ in? Ekar 10 wōt iiō rūtoon ālkin men otemjej. Ekar jab lukkuun rūtto n̄an ire ippān juon jineek ak juon boar awia! Im ta eo menin mour ko jet rekaamijak remaron̄ in kappok n̄an kakkure ālkin an tulo̧k aļ? Ļōmņak eo ekar kōm̧m̧an menin an leļn̄o̧n̄.

Kwon peran, ekar jiron̄ e make. Ekar jeļā ej aikuj in kar.

Felipe ekar kōņaan bwe jemen en kar pād ijo. Bōtaab ekar mej jiljino allōn̄ ko remootļo̧k. Ilo an jako, men ko raar pen n̄an Felipe im jinen. Ekar maat aer jāān im m̧ōn̄ā.

Felipe ekar kōjatdikdik remaron̄ tōparļo̧k m̧weo im̧ōn lio jein iturejet eo juon in toļ eo ilo iien eo em̧ōkaj. Liin emaron̄ in leļo̧k n̄an er jet jāān n̄an wia rice.

Ekar kōm̧m̧ane juon jar ilo būruōn. “Jema Ilan̄, jouj im jipan̄ kōm lo iaļ eo am. Jouj.”

Innām juon ļōmņak ekar itok n̄an e: Pukōt ni wōjke ko. Felipe ekar reilōn̄ļo̧k. Euweo, ilo ettoļo̧k, ekar juon bukin wōjke ni ko. Emaron̄ in kar lo er ilōn̄ in aolepān jan̄kōļ eo. Kimej ko aer rej em̧akūtkūt ilo kōto. Ejkab kein kajuon ilo awa ko, Felipe ekar en̄jake kōjatdikdik.

“Lale!” Ekar jitōn̄ļo̧k wōjke ko.

Jinen ekar meļeļe. Wōjke ni ko kar meļeļe in juon bukwōn ekar epaak. Anij ekar uwaake jar eo an Felipe. Felipe ekar jibwe pein jinen. Ippān doon raar etetal n̄an kōjparok ke aļ eo ej jakoļo̧k ilaļ in wōjke ko.

Felipe ekar aolep iien keememej ekōjkan an Anij kar uwaake jar eo an. Jet iien ekar kōņaan bwe en em̧m̧anļo̧k an ron̄ ainikien Anij āinwōt an kar ilo bon̄ōn eo ilo jan̄kōļ eo.

Innām juon raan, ruwalitōk iiō ko tokālik, Felipe ekar ioon jet mijenede ro. Raar itok jān Kabun̄ eo an Jisōs Kraist im Armej ro Rekwojarjar ilo Raan-ko Āliktata. Raar katakin e kōn rikanaan ro remour, eo ekar kōnono naan ko an Anij. Menin ekar ta eo Felipe ekar kōjatdikdik kake!

Felipe ekar itok limo in kobatok ilo Kabun̄ in. Ekar erom juon iaan mijenede ro m̧oktata jān Philippines n̄an kwaļo̧k gospel eo ijōņ. Bar juon alen, Anij ekar kwaļo̧k n̄an Felipe ia eo n̄an etal—im Felipe ekar jeļā iien otemjej Anij enaaj.

Philippines elōn̄ļo̧k jān 7,600 āne ko!

Laļ en ej jikin 70% in menin eddōk im menin mour ko ilo laļ in.

Ejjab to Philippines enaaj wōr ruwalitōk tampeļ ko ie.

Felipe im lio pāleen raar kakoņkoņ jāān ium̧win juon iiō bwe ren maron̄ etal n̄an tampeļ n̄an kar liāp.

Em̧m̧an en̄o̧d ippān Felipe.

Felipe im lio pāleen, Cora, ewōr 4 nejierro im 10 jibūwerro.

story PDF

Kōmeļeļe ko jān Jomike Teijido