Dettan eo Ejejjet
Trina ejjab kōņaan bwe en oktak.
“Kwolukkuun in uddik!” Sasha ekar ba. “Kōmij aikuj an̄inn̄in eok Trina Aidikdik.”
Trina ekar kajjieon̄ ettōn̄ dikdik. Ajri ro jet ilo jikuuļ eo raar ļap aer kajirere kake e kōn an uddik. Liin ekar ļotaktok eudik, im liin ekar jab m̧ōkaj an eddōkļo̧k āinwōt ajri ro jet. Bōtaab liin ekar jab kōņaan āt eo Trina Aidikdik. Liin ekar jab kōņaan oktak.
Kwo lukkuun uddik kwojjab maron̄ in eddōkļo̧k,” Max ekar ba ke raar diwōjļo̧k n̄an kakkije inam̧ōj.
“Ijeļā iuddik,” Trina ekar ba. “Bōtaab ejjeļo̧k men eņ imaron̄ kōm̧m̧ane kōn menin. Jen etal im ikkure.”
Trina ekar ettōrļo̧k n̄an ikkure soccer ippān ajri ro jet. Raar bwijlo̧ke bo̧o̧l eo m̧aanļo̧k im likļo̧k. Raar aolep limo ippān doon.
Bōtaab ejjab to Trina ekar lukkuun in m̧ōk. Liin jidik kōn jidik ekar etal jān ikkure eo im jijet ioon ujoj eo.
Ejjab to eo m̧ōttan Josie ekar itok n̄an ippān. Josie ekar pād ilo kūlaaj in Būraimere eo an ilo m̧ōnjar eo barāinwōt.
“Em̧m̧an ke am̧ Mour?” Josie ekar kajjitōk.
“Aaet,” Trina ekar ba. “Ij aikuj in kakkije. Ārrū em̧ōk bwe eļap aō ettōr. Rejjab kanooj in kajoor.”
Josie ekar jijet turin Trina. Raar tūmtūm̧ ujoj im kar kōm̧m̧ani riin̄ ko reddik im bāān̄kōļ ko. Raar kōnono kōn jikuuļ im ro m̧ōttaer im homework.
“Ikar ron̄ ta eo Sasha ekar ba,” Josie ekar ba. “Joļo̧k bōd liin ekar kūr eok Trina Aidikdik.”
Trina ekar em̧ajidjid.
“Bōtaab ij ļōmņak dettam̧ ejejjet!” Josie ekar ba.
Trina ekar ettōn̄ dikdik. Liin ekar leļo̧k n̄an Josie ujoj pāān̄kōļ eo ekar kōm̧m̧ane.
Jabōt eo tok juon, Trina ekar pojak n̄an jar. Liin ekar kōņak nuknuk eo an im kar kuum̧i bōran. Innām liin ekar kōmmen̄ kōn juuj ko an reddik ilo kūļo̧jet eo. Liin ekar jeļā bwe ejjeļo̧k bar juon ilo kūlaaj in Būraimere eo an raar ekkōņak kain juuj rōt in reddik.
Trina ekar ipper neen ke ekar etetal ilo hall eo ilo m̧ōnjar eo. Ke ekar tōparļo̧k kūlaajruum̧ in Būraimere eo an, Josie ekar kōttar inam̧ōj.
“Ewōr juon am men n̄an kabwilōn̄ eok!” Josie ekar ba. “Itok lale!”
Ke Trina ekar etal n̄an ruum̧ eo, ajri ro jet im rūkaki eo aer, Sister Bott, rekar jitōn̄ļo̧k juon boot kar kainōknōke erōōj. Ekar wōr jekjek in menono ko kar teepe ilo aolepān. Ekar wōr kakeememej ko ioon menono ko me raar ba, “Trina ewōr juon an ettōn̄ dikdik ekilep! Trina ewōr juon an bōro ekilep!”
“Em̧m̧an ke ippam̧?” Josie ekar kajjitōk. “Sister Bott ekar jipan̄ kōm kōm̧m̧ane.”
“Em̧m̧an ippa!” Trina ekar ba. “Kom̧ em̧ool.”
“Kōm kōņaan kakeememej eok kōn juon m̧ool eļap,” Sister Bott ekar ba. “Jemedwōj Ilan̄ ej iakwe kōj kajjojo. Kadu. Aitok. Kilep. Uddik. Ejjab aorōk n̄an E. Jej aolep ajri ro Nejin, im E ej iakwe aolep kōj kajjojo.”
Trina ekar reilo̧k n̄an heart ko ioon boot eo im ettōn̄ dikdik—eļap.
Kōmeļeļe jān Olga Lee