iVuvu ena Veivanua Kecega

Kunea na Sala o Felipe

Mai vei Megan Roxas

(Yavutaki ena italanoa dina)

“Yalovinaka ni vukei keirau me keirau kunea na neirau sala,” a masulaka o Felipe.

Spread illustration of Felipe (age 10) and his mom walking through a jungle, late in the day. Felipe is pointing to palm trees above the jungle in the distance. The jungle scene continues across the whole spread. Seven spot illustrations: 1. Map of Philippines 2. A tarsier, an animal found in the Philippines 3. An Latter-Day Saint temple illustration 4. Felipe and his wife on their wedding day. Just the figures from waist-up, no background needed 5. Felipe as he holds up a fish that he has caught 6. Simple family chart showing Felipe and his wife, four children (2 boys, 2 girls), and 10 grandchildren (5 boys, 5 girls). 7. Felipe at about age 19 as a missionary.

Sa kila tu o Felipe ni sa yakavi tiko mai na vanua. Sa mudu na tagi ni manumanu vuka, ka ra vagugu mai vakadomoilevu na vodre. Erau a lakova tiko kei tinana na loma ni veikau me sivia e rua na auwa. Ia na sala yadua erau a lakova e a tautauvata ga kei na kena erau sa muria oti. Erau sa sese dina sara.

Sa tekivu me rere mai o Felipe. Ena vakacava beka na dede ni nodrau rawa ni bula e loma ni veikau oqo? O koya e a se qai yabaki 10 walega. E a se bera ni qase sara me valuta rawa e dua na gata se vuaka ni veikau! Ka vakacava na vo tale ni manumanu vakarerevaki era dau vaqara kedra ni sa dromu na siga? Na vakanananu oqo e sokunu kina na nona suitu.

Mo yaloqaqa, a kaya e lomana. A kila o koya ni dodonu me na vakakina.

A diva o Felipe me a tiko e kea o tamana. Ia a mate o koya ena ono na vula sa oti. Ni sega o koya, a dredre na veika baleti Felipe kei tinana. A sa oti na nodrau ilavo kei na kedrau kakana.

A nuitaka o Felipe me rau yaco rawa vakatotolo ki na vale nei ganena ena tai kadua ni ulunivanua. E rawa ni solia vei rau o koya eso na ilavo me voli kina na raisi.

E cavuta vakatotolo e lomana e dua na masu. “Tamaqu mai Lomalagi, yalovinaka ni vukei keirau me kunea na neirau sala. Yalovinaka.”

Qai yaco mai vua e dua na vakanananu: Vaqara na vei vuniniu. A rai cake o Felipe. Ka raica, ni tu sara mai vakayawa, e dua na i soso vuni niu. E rawa ni raici ira ni ra balavu cake mai vei ira na vo ni vunikau. Era veisuayaki na drauna ena cagi. Ena imatai ni gauna ni oti e vica na auwa, a vakila o Felipe na inuinui.

“Raica!” A dusia na veivunikau.

Sa kila sara o tinana. Na vuniniu e vakaraitaka ni sa voleka e dua na koro. Sa sauma na Kalou na masu nei Felipe. A taura o Felipe na ligai tinana. Erau a taubale vata yani ki na veitaqomaki ni dromu yani na matanisiga e ruku ni veivunikau.

E dau nanuma tu ga o Felipe na sala a sauma kina na Kalou na nona masu. Ena so na gauna e dau diva me rogoca vakavinaka cake na domo ni Kalou me vaka na nona a cakava ena loma ni veikau ena bogi oya.

Dua na siga, ni oti e walu na yabaki, a sotavi ira eso na daukaulotu o Felipe. O ira na daukaulotu mai Na Lotu i Jisu Karisito ni Yalododonu-Edaidai. Era vakavulici koya me baleti ira na parofita bula, ka ra vosataka na vosa ni Kalou. Oqo sara ga na ka a nuitaka tu o Felipe!

Sa marau o Felipe me lewena na Lotu. A yaco o koya me dua vei ira na imatai ni daukaulotu mai na Yatu Filipaini me wasea e kea na kosipeli. Sa vakaraitaka tale na Kalou vei Felipe na vanua me lako kina—ka kila o Felipe ni na dau cakava tiko ga na Kalou.

Na Yatu Filipaini tiko kina e sivia na 7,600 na yanuyanu!

Na vanua oqo era vale ki na 70% ni itei kei na manumanu e vuravura.

Sega ni dede sa na tiko ena Yatu Filipaini e walu na valetabu.

Rau a maroroi ilavo o Felipe kei na watina me dua na yabaki me rawa ni rau lako ki na valetabu me vauci kina.

E dau taleitaka o Felipe na siwa.

O Felipe kei watina, o Cora, e 4 na luvedrau ka 10 na makubudrau.