Keitou a tarogi ira na gone ena sala era sa vakavakarau tiko kina me ra lako ki na valetabu kei na veika me ra namaka. Oqo na ka era a kaya!
iVakatakilakila
Portrait of Alivia Woodbury.
“Au sa vulica tiko na taro ni veivakatarogi ni valetabu meu vakarau ni gole ki na valetabu. “Au vinakata e dua na noqu ivakadinadina kaukauwa.”
Alivia W., yabaki 9, Utah, Amerika
iVakatakilakila
Picture of Luke Freeman.
“Au nanamaki meu gole ki na valetabu ena dua na siga meu lai caka papitaiso. Au vulica e levu na ka me baleta na valetabu ena noqu vulica na ivolanikalou. Au dau nanamaki baleta niu tiko mada ga ena lomanibai ni valetabu, au rawa ni vakila vakaukauwa sara na Yalotabu. Au vakabauta ni na kaukauwa cake sara na Yalotabu e loma.”
Luke F., yabaki 10, Idaho, Amerika
iVakatakilakila
Picture of Mark Yeromin sitting on the couch holding a kitten.
E rawa ni o vakavakarau ki na valetabu vakalalai e veisiga. Au maroroya na ivakaro. Au dau wilika na ivolanikalou vata kei tuakaqu kei tinaqu e veimataka ni bera na vuli. Au tovolea meu dua na ivakaraitaki vei ira na itokani. Au saga meu digitaka na dodonu me vaka e tukuni ena serenilotu ‘Dina Tu Ga’ (Serenilotu, naba 143). Keitou dau lagata oqori ena matakalailai me vakatudonutaka na ivakarau ni yalo!”
Mark Y., yabaki 10, Poltava, Ukraine
iVakatakilakila
Picture of Daniel Denshchykov.
“Au dau masu e veisiga ka tarogi rau na noqu itubutubu me baleta na cakacaka vakalotu ni valetabu. Au sa vakarau talega ki na noqu veivakatarogi vata kei na bisopi. Au marau meu na lako ki na valetabu.”
Daniel D., yabaki 11, Kyiv, Ukraine
iVakatakilakila
Picture of Antonella Igor.
“Au a taleitaka na imatai ni gauna au a lako kina ki na valetabu. Ni bera niu a papitaiso, au a yaco meu dua na ivakadinadina. Au wanonova toka e dua tale ni papitaiso ka vakadeitaka me tobudromuci e loma ni wai. Ni sa yaco mai na gauna meu papitaiso kina, sa katakata sara na wai. Au a vakila na vakacegu kei na marau. Au taleitaka na valetabu ka taleitaka me veivuke ena cakacaka cecere oqo.”