“I-konektar,” Alang sa Kalig-on sa mga Kabatan-onan, Mar. 2021, sulod sa atubangang hapin.
I-konektar
Liah T.
16, Louisiana, USA
Ang musika dako nga bahin sa akong kinabuhi. Ganahan ko magpatukar sa violin ug viola. Sa dihang bata pa ko, ang akong inahan gitawag sa pagtudlo og musika sa Primary. Gitudloan ko niya sa paghigugma sa mga kanta diha sa Songbook sa mga Bata, ug mabati nako ang Espiritu kon magpatukar ko niini.
Mosayaw usab ko alang sa Louisiana Vintage Dancers [mga tigpasundayag og tradisyonal nga mga sayaw] ug magpinta og canvas art alang sa akong mga ginikanan ug sa akong panimalay. Dako kaayo ang akong pasalamat ug pagdayeg alang sa mga tawo kinsa naggahin og panahon sa pagpinta sa art nga atong makita sa simbahan. Sa akong hunahuna nindot kaayo nga ang pagpinta mao lamang ang usa ka dugang nga pamaagi nga ang mga tawo makapaambit sa ilang mga pagbati mahitungod sa ebanghelyo.
Sa Oktubre 2018 nga kinatibuk-ang komperensya, si Elder Gerrit W. Gong sa Korum sa Napulog Duha ka mga Apostoles mipasabot og usa ka painting sa pagsawop sa adlaw luyo sa usa ka lasang. Nindot kaayo kadto! Ang painting mipahinumdom kanako nga ang adlaw kanunayng moabut human sa mangitngit nga kagabhion.
Ang ebanghelyo mao ang akong kinabuhi! Ganahan ko sa pagkonektar sa akong gugma sa art ngadto sa ebanghelyo. Usahay dili gani kinahanglan nga kini usa ka relihiyuso nga painting para mabati nako ang gugma sa Dios. Gani mitan-aw ko og mga painting sa mga langgam kaniadto ug nakahunahuna, “Ah, ang Dios milalang niana nga langgam alang kanako.”