“Nagpadayon nga Pagpadayag,” Alang sa Kalig-on sa mga Kabatan-onan, Mar. 2021, 16.
Katapusang Pulong
Nagpadayon nga Pagpadayag
Gikan sa usa ka pakigpulong sa Abril 2020 nga kinatibuk-ang komperensya.
Paghulagway ni Ben Simonsen
Si Propeta Joseph Smith nakadawat og daghang nagsunod nga mga pagpadayag. Daghang mga pagpadayag nga nadawat ni Propeta Joseph gipreserbar alang kanato diha sa Doktrina ug mga Pakigsaad.
Agig dugang, napanalanginan kita og nagpadayong pagpadayag ngadto sa buhing mga propeta kinsa mao ang “sinugo nga mga tinugyanan sa Ginoo, gitugutan nga mamulong alang Kaniya.”1
Ang personal nga pagpadayag anaa usab sa tanan kinsa mapainubsanong magtinguha og giya gikan sa Ginoo. Kini ingon ka importante sama sa propetikanhong pagpadayag.
Ang personal nga pagpadayag nakabase sa espirituhanon nga mga kamatuoran nga nadawat gikan sa Espiritu Santo. Ang Espiritu Santo mao ang tigpadayag ug tigpamatuod sa tanang kamatuoran, ilabi na sa Manluluwas. Kon wala ang Espiritu Santo, kita dili gayud masayud nga si Jesus mao ang Kristo. Ang Iyang masangputon nga tahas mao ang pagsaksi mahitungod sa Amahan ug sa Anak ug sa Ilang mga titulo ug sa Ilang himaya.
Akong isiguro kaninyo nga ang mapadayagong giya mahimong madawat sa matag usa kanato samtang mapaubsanon kitang maghago diha sa ubasan sa Ginoo.
Ang akong mapainubsanong pangamuyo mao nga ang matag usa kanato magtinguha sa nagpadayong pagpadayag nga mogiya sa atong kinabuhi ug mosunod sa Espiritu samtang mosimba kita sa Dios nga Amahan ug sa atong Manluluwas, si Jesukristo.