Liah T.

16, Louisiana, USA

Te anene ngaia mwakoron maiu ae moan te bubura. I kan katanga te violin ao te viola. Ngke I uarereke ao e weteaki tinau bwa e na reiakina te anene n te Moanrinan. E reireinai bwa N na tangiri anene n Aia Boki n Anene Ataei, ao I namakina te Tamnei n taainako ngkana I anenea te kuna.

I mwaie naba ibukiia ana taan mwaie Louisiana Vintage ao taan korobanna ibukiia au karo ao mweengau. E korakora au kakaitau ao ni kinaia aomata ake a kabanea aia tai ni koroi korobanna ake ti noori n te umantabu. I taku bwa e rangi ni kakateke bwa te korobanna ngaia teuana te kawai are a kona iai aomata n tibwaa aia namakin ibukin te euangkerio.

N Okitobwa 2018 n tain te Maungatabu ni Kabuta, Unimwaane Gerrit W. Gong man te Kooram n Abotoro n te Tengaun ma Uoman e kotea taekan te tamnei ae tamnein bungin taai i akuun te buakonikai. E bon rangi n tamaroa! E kauringai te tamnei bwa taai e na kakaoti imwiin roon te bong.

Te euangkerio bon ngaia maiu! I kan reita tangiran te korobanna ma te euangkerio. N tabetai ao tiaki n ae tii te korobanna n tamnein te aro ibukiu n namakina ana tangira te Atua. I a tia naba n tarai korobanna iaoia mannikiba ao ni iangoia, “O e karika te mannikiba anne te Atua ibukiu.”