“Ai aron te Kamaama nakon Tamneim,” Ibukin Kakorakoraia Kairake, Maati. 2021, 6–8.
Ai aron te Kamaama nakon Tamneim
Ngke a anene man aia kuaea n aia uoote n tain te reitaki ni kamataku , kairake aikai e mwaiti reireinaia bwa e na kanga te aro ni katangitang ni bootiia taan onimaki.
Megan C., Ethan M., ao Romy C. Romy a bane n reitaki iaon teuana te bwai; a tangiri katangitang n nebonebo. A tangira te kawa are e tabekia man anainanoia, te kawai are e kakorakoraia n aia namakin. Ao a tangiria n noria bwa e na kanga n tabekia ao ni kakorakoraia temwangina.
Megan,18; Ethan,19; ao Romy, 17 iai naba te bwai ae a reitaki iai ae ti te arona: a bane n anene man aia uote i Florida,USA. Ao n ae ai tibwa ngkai naba e a tia te kuaea n angania te kona n tibwa tangiran te anene man irakin te Bootaki ni Kamataku n Reitaki.
“Iai n ara komiuiniti te reitaki n te onimaki ae korakora mwiina n reitia aomata man onimaki aika a kakaokoro,” e kabwarabwara Ethan. N aron te katoto, te kurubu e karaoa te bootaki ni maroro n te amwarake ni katobibi (te katairiki ike e toki iai aia aki mamatam kaain te Muslim, n tain aia namakaina ae tabu ae Ramadan) a karaoi mwakuri ni ibuobuoki ni karikirake n aron katauraoan aia bwai n reirei ataei ake a kainnano, a karaoi waa raurau n amwarake, ike a bootaki iai aomata ake aki kinaia ao ni kaai n tekateka ni kaitara iaon te taibora ao ni maroroakin taekan amwarake, katei ao onimaki ake a waakinaki n aia katei nako.
Kaain te kuaea a kukurei n amwarake ao ni kaai n ibuobuoki ma koraki man onimaki aika a kakaokoro.
Ti a Riki bwa Raao
A na kouru te bootaki n reitaki, n te koaua, te buokia aomata aika a kakaokoro n aroia nako bwa a na riki bwa raao.
“Iai te utu mai Turkey ae I aki toki n nonoriia n tain te amarake n reitaki, ae a waekoa ni mwaing nakoiu ao man taku,’Ti rangi” ni kukurei ni manga noori ngkami!” E taku Romy. “N te aonnaba ike e mwaiti iai bwainikirinan te aro ma te onimaki, e rangi n tikiraoi ngkai ti kona ni bane ni bootaki ao n taetae imarenara n tabemaniira nako” N tain te mwakuri n ibuobuoki teuana,” temanna te aine man te ekaretia teuana e rangi ni kakateke,” e taku. “Aki tabe ma ana aro temanna ma temanna. A ti mena ikekei bwa a na anga aia ibuobuoki. E karika te namakin ae moan te kakukurei.”
”A kona ni kakaokoro ara onimaki,” e taku Megan, “ma I karinei aia onimaki aomata ao e rangi n tamaroa reken te reitaki n te aekaki aio ike ti kan atai aroia raora nako.”
”Ara ekaretia aio ngaia teuana te membwa ae boou n te waaki n reitaki,” e taku Ethan. “I rangi ni butimwaea aroia nakoira ao aroia n rangi ni butimwaea aei. I ataia bwa n taabo tabeua, aomata aki ota n taekan te Ekaretia. Ngaia are I rangi ni butimwaea ngkana aomata a butimwaea kakaokoroia ao man ukera ae iai iroura n kabane.”
Ma te Nano ae Ti Teuana
Ao teuana mai buakon bwaai ae iai irouia kurubu n aro aikai bon te anene. Te reitaki n anene n onimaki aika a kakaokoro bon te waaki teuana ae e tamaroa ni botiia aomata n neboakin te Atua. Te kuaea n te uoote ngaia teuana te itera n tatin ni mwaiti are e na tei ibukiia bootaki n onimaki ni kabuta te tabo.
“Iai te bero ni kuaea, te kaai uoman ni bwanaa, te kuaea ae bubura, te kuaea ae uarereke, te flute-ao-te kaai uoman n te biaano, ao iai riki,” e kabwarabwara Megan. “A tuangaki kurubu ni kabane bwa a na karaoi uoua kamataku n te katangitang.”
E reitia Megan, “”Ti tangiria ni kakoaua bwa kunara ake ti anenei e na tuangiia aomata bwa ti kakoaua Iesu Kristo ao ti kakoaua naba Tamara are i Karawa. Ti kan karika te namakin n nebonebo.”
Te kuaea e karaoi ana babaire iaon uoua kamataku ake a tia ni karaoi,”Great Things and Small Things,” iroun Steven Kapp Perry, ao “Sacraments and Symbols,” iroun Janice Kapp Perry, Steven Kapp Perry, ao Lynne Perry Christofferson.
“Te moan kuna e katika te nano. E anganira te onimaki bwa rinanon te Atua, ko kona ni karaoi bwaai ni kabane, ngkana tao e uarereke ke e rangi ni bongana,” e taku Ethan. “Te kauakora ni kuna e nano ao ni karinerine kamimina. Kanga ai aron te katangitang ma taekaia aika okioki, ao e karika te nano n nebo ni koaua.”
Kataneiai, Kataneiai, Kataneiai
Ngkai a katauraoi n anene, Ethan e kabogana te kawai ae e a tia ni kabongana ngkoa. “I kataia ni moanibwaia ni kabanea au tai n ongora ao ni kataneiai n aneneia n te tai ae mwaiti,” e taku. “I kunea bwa ngkana I kona ni kabanea nanou n ataakin nanon te kuna, I a rangi ni kukurei riki iai. N te koaua I kataia n aneneia raoi, ma I kunea bwa e na bebete riki anaakina ngkana I ongo nanon te rongorongo ae e kataia ni kan tibwaia. I tangiria ni katuruturua iaon te katauraoi nakon te maiu n tamnei
““Ti bon tiku naba n anenei n tain te bootaki n toa ao ni kamatebwai naba ibukin bwaai riki tabeua, naba,” e taku Megan. “Ma ti ataa kakaawakin te waaki nreitaki, ngaia are ti kakoaua bwa mwakorokorona a bane n tauraoi. Ti mwakuri korakora iaoia.”
Ibukin te kauoua ni kamataku, kaain te kuaea ae 14 mwaitiia e bwaka rikaaki nakon ae waniman taan anene. “Ti na korouniia n te Kauabong, imataia Ataeinimwaane Ataeinnaine,” e taku Megan. “E karikai bwa N na iangoi taekan te anene inanon te wiiki, n te namwakaina, n te aro ae koaua. I aki rangi ni kakaraoa aio , ma I kunea te kuna aio n te YouTube ao I a bon kakatangnga naba. I tangiria ni kanakoraoia. I tangiria bwa ngaira ti na anene raoi bwa aonga n ringaki nanoia aomata.”
A kakoaua Ethan, Megan ao Romy bwa ni kabane koroun iai mwiia. “Ngkana ko kaokioki n anenei kuuna akanne,” e taku Romy,”e tiku te rogorongo n ami iango ao inanom.”
Te kuaea anne e anene n tain te Bootaki n Anene n Reitaki.
N aia Iango ao Inanoia
E mena n aia iango ao inanoia ae rangi n teretere raoi ngke anene kaain te kuaea. “A bane n tikiraoi kuuna ake uakora akekei,” e taku Romy. “E bane ni mabu te noo, ao a bane n namakina te Tamnei ngkai aneneaki kuuna akekei. Ti bane n namakina te katiteuanaaki.”
“Te moan anene ngaia te anene ae e kakukureiai,” e taku Megan. “I namakinna bwa a riingaki nanoia aomata n tain te kamataku. I rangi ni kukurei n aneneia ao au kantaninga bwa a bane naba n rangi ni kukurei. Ao n te kauoua n anene, e a nakoraoi te bwanaa. I taku bwa aomata nako ake a ongora iai a namakina tamnein te karinerine ma ae kamiimi ibukin te Atua.”
N tokin te tairiki teuana, e reitia Meagan,”Ti kona n taetae ma taan ira te waaki ao taan mataku. I ataia bwa aomata a titirakina ara tarekita n ara kuaea taekan te anene are ti aneneia-“Te aekaki n anene ra anne?’ ke ’Kam kunea iai te waaki ae barongaaki anne?’ Ti a kona n itamwaomwao imarenara ao man maroroakin kunara ake ti tibwai ma ngaiia. I namakinna bwa I a kona riki n oota irouia inanon kunaia, ao ngaia a kona naba n oota riki iroura ibukin kunara. Te anene ai aron te kamaama nakon tamneiml.”