“Teimatoan te Kaotioti,” Ibukin Kakorakoraia Kairake, Maati. 2021, 16.
Kabanea n Taeka
Teimatoan te Kaotioti
Man te marooro n te maungatabu ni kabuta n Eberi 2020.
Kamataata n te tamnei iroun Ben Simonsen
Te Burabeti Iotebwa Timiti e karekei kaotioti aika mwaiti. A mwaiti kaotioti aika e karekei te Burabeti Iotebwa a tia ni kawakinaki ibukira inanon Reirei ao Berita aika Tabu.
N raonaki ma anne, ti kakabwaiaki ma teimatoan te kaotioti nakoia burabeti aika maiu ake a “mwiokoaki bwa ana tabonibai te Uea, ake a kariaiakaki bwa a na taetae Ibukina.”1
E tauraoi te kaotioti nakoia ni kabane ake a nanorinano n ukoukora te kairi mairoun te Uea. E kakawaki n aron te kaotioti are karekeaki irouia burabeti.
Am kaotioti e boboto iaon koaua n tamnei aika reke mairoun te Tamnei ae Raoiroi. Te Tamnei ae Raoiroi bon te tia kaotioti ao te tia kaoti koaua ni kabane, ai moarara riki ibukin te Tia Kamaiu. Ngkana akea te Tamnei ae Raoiroi, ti aki kona n ataia raoi ae Iesu bon te Kristo. Tabena ae e kakawaki bon kaotan koauan te Tama ao te Nati ao Araia ao Mimitongiia.
I kakoaua nakoim bwa ti kona ni bane ni karekei kairi mai ieta ngkana ti mwakuri ma te nanorinano n ana nne ni kurebe te Uea.
Au bubuti ae nanorinai bwa ngaira n tatabemaniira ti na ukoukora te kaotioti ae teimatoa bwa e na kairii maiura ao n iriira te Tamnei ngkai ti taromauriia te Atua te Tama ao ara Tia Kamaiu, Iesu Kristo.