« ភ្ជាប់ » ដើម្បីកម្លាំងនៃយុវជន ខែ មីនា ឆ្នាំ ២០២១ នៅខាងក្នុងក្របមុខ ។
ភ្ជាប់
លៀ ធី
១៦ ឆ្នាំ រដ្ឋលូស៊ីអាណា ស.រ.អ
តន្ដ្រីគឺជាផ្នែកដ៏ធំមួយនៃជីវិតខ្ញុំ ។ ខ្ញុំចូលចិត្តលេងវីយូឡុង និងវីយូឡា ។ នៅពេលខ្ញុំនៅក្មេង ម្ដាយរបស់ខ្ញុំត្រូវបានហៅឲ្យបង្រៀនតន្ដ្រីនៅក្នុងអង្គការបឋមសិក្សា ។ គាត់បានបង្រៀនខ្ញុំឲ្យចូលចិត្តចម្រៀងជាច្រើននៅក្នុង សៀវភៅចម្រៀងកុមារ ហើយខ្ញុំមានអារម្មណ៍ពីព្រះវិញ្ញាណ ពេលណាដែលខ្ញុំលេងបទទាំងនោះ ។
ខ្ញុំក៏រាំក្នុងក្រុម Louisiana Vintage Dancers ផងដែរ ហើយគូរគំនូរសិល្បៈនៅលើផ្ទាំងក្រណាត់សម្រាប់ឪពុកម្ដាយ និងផ្ទះរបស់ខ្ញុំ ។ ខ្ញុំមានការដឹងគុណ និងការកោតសរសើរយ៉ាងខ្លាំងដល់មនុស្ស ដែលចំណាយពេលវេលាគូរគំនូរសិល្បៈ ដែលយើងឃើញនៅព្រះវិហារ ។ ខ្ញុំគិតថាវាអស្ចារ្យ ដែលរូបគំនូរគឺជារបៀបមួយទៀត ដែលមនុស្សអាចចែកចាយអារម្មណ៍របស់ពួកគេអំពីដំណឹងល្អ ។
នៅក្នុងសន្និសីទទូទៅខែ តុលា ឆ្នាំ ២០១៨ អែលឌើរ ជែរីត ដ័បុលយូ ហ្កង នៃកូរ៉ូមនៃពួកសាវកដប់ពីរនាក់បានធ្វើសេចក្ដីយោងទៅរូបគំនូរមួយដែលមានថ្ងៃលិចនៅក្រោយព្រៃមួយ ។ វាពិតជាស្រស់ស្អាតណាស់ ! រូបគំនូរនេះបានរំឭកខ្ញុំថា ព្រះអាទិត្យនឹងរះឡើងក្រោយពេលយប់ដ៏ងងឹតជានិច្ច ។
ដំណឹងល្អគឺជាជីវិតរបស់ខ្ញុំ ! ខ្ញុំចូលចិត្តភ្ជាប់សេចក្ដីស្រឡាញ់របស់ខ្ញុំចំពោះសិល្បៈទៅនឹងដំណឹងល្អ ។ ពេលខ្លះ វាមិនចាំបាច់តែជារូបគំនូរសាសនាដើម្បីឲ្យខ្ញុំមានអារម្មណ៍ពីសេចក្ដីស្រឡាញ់របស់ព្រះនោះទេ ។ ខ្ញុំធ្លាប់បានឃើញរូបគំនូរបក្សីពីមុន ហើយបានទាំងគិតថា « អូ ព្រះបានបង្កើតបក្សីនោះសម្រាប់រូបខ្ញុំ » ។