« វិវរណៈជាបន្ដបន្ទាប់ » ដើម្បីកម្លាំងនៃយុវជនខែ មករា ឆ្នាំ ២០២១ ទំព័រ ៣៣ ។
ពាក្យចុងក្រោយ
វិវរណៈជាបន្ដបន្ទាប់
ចេញពីសុន្ទរកថានៅក្នុងសន្និសីទទូទៅខែ មេសា ឆ្នាំ ២០២០ ។
រចនារូបភាពដោយ ប៊ែន ស៊ីម៉ុនសិន
ព្យាការី យ៉ូសែប ស៊្មីធ បានទទួលវិវរណៈបន្ដបន្ទាប់ ។ វិវរណៈជាច្រើនបានទទួលដោយព្យាការី យ៉ូសែប ត្រូវបានរក្សាទុកសម្រាប់ពួកយើងនៅក្នុងគម្ពីរគោលលទ្ធិ និងសេចក្ដីសញ្ញា ។
លើសពីនេះ យើងមានពរជ័យដែលមានវិវរណៈជាបន្ដបន្ទាប់ពីព្យាការីដែលនៅរស់ ដែលជា « ភ្នាក់ងាររបស់ព្រះអម្ចាស់ ហើយបានអនុញ្ញាតឲ្យថ្លែងជំនួសទ្រង់ » ។១
វិវរណៈផ្ទាល់ខ្លួនគឺមានចំពោះអស់អ្នកដែលស្វែងរកការដឹកនាំមកពីព្រះអម្ចាស់ដោយរាបសារ ។ វាសំខាន់ដូចជាវិវរណៈជាព្យាការីផងដែរ ។
វិវរណៈផ្ទាល់ខ្លួនផ្អែកទៅលើសេចក្ដីពិតខាងវិញ្ញាណដែលបានទទួលមកពីព្រះវិញ្ញាណបរិសុទ្ធ ។ ព្រះវិញ្ញាណបរិសុទ្ធគឺជាអង្គបើកសម្ដែង និងអង្គថ្លែងទីបន្ទាល់អំពីសេចក្ដីពិតទាំងអស់ ជាពិសេសអំពីព្រះអង្គសង្គ្រោះ ។ បើគ្មានព្រះវិញ្ញាណបរិសុទ្ធ នោះយើងមិនអាចដឹងពិតថាព្រះយេស៊ូវគឺជាព្រះគ្រីស្ទទេ ។ តួនាទីច្បាស់របស់ទ្រង់គឺថ្លែងជាសាក្សីអំពីព្រះបិតា និងព្រះរាជបុត្រាទ្រង់ និងតំណែង និងសិរីល្អរបស់ពួកទ្រង់ ។
ខ្ញុំសូម អះអាងនឹងបងប្អូនថា ការណែនាំប្រកបដោយវិវរណៈអាចទទួលបានតាមរយៈយើងម្នាក់ៗ នៅពេលយើងធ្វើកិច្ចការដោយរាបសារនៅក្នុងចម្ការរបស់ព្រះអម្ចាស់ ។
ការអង្វរដ៏រាបសារបស់ខ្ញុំនាថ្ងៃនេះ គឺថា យើងម្នាក់ៗនឹងស្វែងកវិវរណៈជាបន្ដបន្ទាប់ដើម្បីដឹកនាំជីវិតរបស់យើង ហើយធ្វើតាមព្រះវិញ្ញាណ នៅពេលយើងថ្វាយបង្គំព្រះ ជាព្រះបិតា និងព្រះអង្គសង្គ្រោះយើង គឺព្រះយេស៊ូវគ្រីស្ទ ។