“Revelesen we I Gogohed blong Kam,” Blong Ol Yut Oli Kam Strong, Maj 2021, 16.
Las Toktok
Revelesen we I Gogohed blong Kam
I kam long wan toktok blong jeneral konfrens blong Epril 2020.
Ol droing oli kam long Ben Simonsen
Profet Josef Smit i bin kasem wan revelesen folem wan moa revelesen. Plante long ol revelesen we Profet Josef i bin kasem oli stap gud insaed long Doktrin mo Ol Kavenan.
Antap long hemia, yumi gat blesing ia blong kasem revelesen we i gogohed blong kam; ol revelesen ia oli kamaot long ol profet we oli stap laef we “oli kasem wok blong stap ol ejen blong Lod, we oli kasem raet blong toktok long bihaf blong Hem.”1
Revelesen we i blong yuwan i stap blong evriwan we, wetem tingting i stap daon, oli lukaotem blong Lod i soem rod. Hem i impoten, semmak olsem revelesen we i go long Profet.
Revelesen we i blong yuwan i stanap long ol trutok long saed blong spirit, we yu kasem long Tabu Spirit. Tabu Spirit Hem i Hem we i talemaot mo i testifae abaot evri trutok, speseli trutok abaot Sevya. Sapos i no Tabu Spirit, bae yumi no rili save se Jisas Hem i Kraes. Stamba rol blong Hem i blong stap olsem witnes blong Papa mo Pikinini, mo witnes abaot taetol blong Tufala mo glori blong Tufala.
Mi save talem stret long yufala se help we i kam tru long revelesen, wanwan long yumi i save kasem taem we yumi putum tingting i stap daon mo wok long plantesen blong Lod.
Mi askem, wetem tingting i stap daon, se wanwan long yumi, bae i lukaotem revelesen we i gogohed blong kam blong lidim laef blong yumi, mo blong yumi folem Spirit taem yumi stap wosipim God we i Papa, mo Sevya blong yumi, Jisas Kraes.