“Tomani Tiko na iVakatakila,” Me iSakisaki ni iTabagone, Maji 2021, 16.
iOtioti ni Vosa
Tomani Tiko na iVakatakila
Mai na dua na vosa ena koniferedi raraba ni Epereli 2020
Droini maivei Ben Simonsen
A ciqoma vakaveitarataravi na Parofita o Josefa Simici na ivakatakila. E vuqa na ivakatakila a ciqoma na Parofita o Josefa era sa maroroi tu me baleti keda sa tiko ena Vunau kei na Veiyalayalati.
Me kena ikuri, eda sa vakalougatataki ena tomani tiko ni ivakatakila vei ira na parofita bula ka ra “sa matataka na Turaga, ka vakadonui me ra vosa ena Vukuna.”1
E sa tu rawa na ivakatakila yadua vei ira kece era vakasaqara ena yalomalumalumu na veidusimaki mai vua na Turaga. E sa bibi sara me vaka ga na ivakatakila vakaparofita.
Na ivakatakila yadua e yavutaki ena vei dina vakayalo e ciqomi mai vua na Yalo Tabu. Na Yalo Tabu sa dauvakatakila ka dauvakadinadinataka na dina taucoko, vakabibi me baleta na iVakabula. Kevaka e sega na Yalo Tabu, ena sega dina ni rawa meda kila ni ko Jisu na Karisito. Sa Nona ilesilesi cecere me vakadinadinataka na Tamada kei na Luvena kei na Nodrau itutu kei na Nodrau lagilagi.
Au vakadeitaka vei kemuni ni veidusimaki vakaivakatakila e rawa ni da ciqoma yadua ni da cakacaka ena yalomalua ena were ni vaini ni Turaga.
Sa noqu vakamamasu ni da na vakasaqara yadudua na tomani tiko ni ivakatakila me dusimaka na noda bula ka muria na Yalo ni da qarava tiko na Kalou na Tamada kei na noda iVakabula, o Jisu Karisito.