“Ko e Hokohoko ʻo e Fakahaá,” Ki Hono Fakamālohia ʻo e Toʻu Tupú, Māʻasi 2021, 16.
Lea Fakaʻosí
Ko e Hokohoko ʻo e Fakahaá
Mei ha lea ʻi he konifelenisi lahi ʻo ʻEpeleli 2020
Tā valivali ʻa Ben Simonsen
Naʻe maʻu fakahokohoko ʻe he Palōfita ko Siosefa Sāmitá ha ngaahi fakahā. Kuo fakatolonga mai ha ngaahi fakahā lahi naʻe maʻu ʻe he Palōfita ko Siosefá maʻatautolu ʻi he Tokāteline mo e Ngaahi Fuakavá.
‘Ikai ngata aí, ka ʻoku tau monū‘ia ʻi he hokohoko atu ‘a e fakahaá ki he kau palōfita moʻui ‘a ia ko e “fekauʻi ha kau fakafofonga ‘o e ʻEikí, pea kuo ‘osi fakamafaiʻi ke nau fakafofonga‘i Ia.”1
ʻOku lava foki ke maʻu ʻa e fakahā fakatāutahá ʻe kinautolu kotoa pē ʻoku fekumi faivelenga ki ha fakahinohino mei he ʻEikí. ʻOku mahuʻinga tatau pē ia mo e fakahā fakaepalōfitá.
ʻOku fakavaʻe ʻa e fakahā fakatāutahá ʻi he ngaahi moʻoni fakalaumālie ʻoku maʻu mei he Laumālie Māʻoniʻoní. Ko e Laumālie Māʻoniʻoní ko e tokotaha fakahā mo e fakamoʻoni ia ki he moʻoni kotoa, tautautefito ka fekauʻaki mo e Fakamoʻuí. Ka ʻikai ʻa e Laumālie Māʻoniʻoní, he ʻikai ke tau lava ʻo ʻiloʻi moʻoni ko Sīsū ʻa e Kalaisí. Ko hono fatongiá ke fakamoʻoni ki he Tamaí mo e ʻAló mo Hona tuʻungá mo Hona nāunaú.
ʻOku ou fakapapauʻi atu ʻe lava ke maʻu ʻa e fakahinohinó ʻi he fakahā, ʻe kitautolu takitaha, ʻi heʻetau ngāue ʻi he loto fakatōkilalo ʻi he ngoue vaine ʻa e ʻEikí.
Ko ‘eku kolé ’i he loto-fakatōkilalo ke tau takitaha fekumi ki he fakahā hokohoko ke tataki ʻaki ‘etau moʻuí mo muimui ki he Laumālié ʻi heʻetau hū ki he ‘Otua ko e Tamaí pea mo hotau Fakamoʻui ko Sīsū Kalaisí.